बैशाख ५ देखि स्टिकर हेर्नुहोला,ट्यांकरको पानी पिउँदा

Water-Tanker-768x466

२८ चैत, काठमाडौं । काठमाडौंमा खानेपानी विक्री वितरण गर्दै आएका ट्यांकरहरुले अब अनिवार्य रुपमा दर्ता गरेर स्टिकर टाँस्नुपर्ने भएको छ । स्टिकर नटाँसिएका ट्यांकरले बैशाख ५ गतेदेखि पानी बेचेको भेटिएमा कारवाही गर्ने सरकारको तयारी छ ।

खानेपानी तथा सरसफाइमन्त्री जीवनबहादुर शाहीको निर्देशनपछि काठमाडौं खानेपानी व्यवस्थापन बोर्डले पानी बेच्ने ट्यांकरमाथि कडाइ गर्न लागेको हो ।

काठमाडौंमा पानी विक्री गर्ने ट्यांकरहरुले खोलाको फोहोर पानी उपभोक्तालाई बेचेर स्वास्थ्यमा खेलवाड गरिरहेको भन्दै मन्त्रीले त्यसबारे निगरानी गर्न निर्देशन दिएको मन्त्रीको सचिवालयले जानकारी दियो ।

मन्त्रीको निर्देशनपछि बोर्डले गरेको तयारी अनुसार अब पानी विक्री गर्ने ट्यांकरहरुले बैशाख ५ भित्र अनिवार्यरुपमा बोर्डबाट अनुमति लिनुपर्ने छ । बोर्डले पानीको गुणस्तर अनुसार ट्यांकरलाई नीलो, पहेंलो र हरियो स्टिकर प्रदान गर्नेछ । र, त्यस्तो स्टिकल लागेका ट्यांकरले मात्रै पानी बेच्न पाउने छन् ।

मन्त्रालय स्रोतका अनुसार फिजिकल, केमिकल र बायोलोजिकल हिसाबले शुद्ध पानी बिक्री गर्ने ट्यांकरले नीलो स्टिकर प्राप्त गर्ने छन् । नीलो स्टिकर लागेका ट्यांकरको पानी सीधै पिउन सकिने छ ।

पानी परीक्षण गर्दा फिजिकल र केमिकलको अवस्था सामान्य रहेको तर माइक्रोबायोलोजिकल परीक्षणमा गुणस्तरीय नदेखिएको पानी विक्री गर्ने ट्यांकरहरुले पहेंलो स्टिकर पाउनेछन् । यस्तो पानी उमालेरमात्रै पिउनुपर्ने हुन्छ ।

त्यसैगरी माइक्रो बायोलाजिकल परीक्षणमा सामान्य देखिने तर फिजिकल र केमिकल टेस्टमा अनुपयुक्त ठहरिएको पानी बेच्ने ट्यांकरलाई हरियो स्टिकर दिइने छ ।

हरियो स्टिकर लागेको ट्यांकरले बेचेको पानी हात खुट्टा धुनका लागिमात्रै उपयुक्त हुन्छ, पिउन वा भान्सामा प्रयोग गर्न मिल्दैन ।

राजधानीमा पानी विक्री गर्ने ट्यांकरहरुले कुनै परीक्षण नगरिएको खराब पानी उपभोक्ताहरुलाई बेचिरहेको गुनासो आएपछि मन्त्री शाहीले अनुमति नलिई पानी बेच्न प्रतिबन्ध लगाउने निर्देशन दिएको उनका प्रेस सहयोगी सुनिल सापकोटाले  बताए ।

प्रतिक्रिया दिनुहोस्
सम्बन्धित वर्गका समाचारहरू

नेपाल र बेलायतबीच जीटूजी मोडलको श्रम समझदारीमा हस्ताक्षर हुने।

३ भदौ,काठमाण्डौ – नेपाल र बेलायतबीच भदौ ६ गते जीटूजी मोडलको श्रम समझदारी पत्रमा हस्ताक्षर

वैदेशिक रोजगारीबाट दस खर्ब विप्रेषणसँगै दैनिक पाँच शव

काठमाडौँ, भदौ ३ गते । गत आर्थिक वर्ष वैदेशिक रोजगारीको सिलसिलामा झन्डै एक हजार पाँच सयले

आजको राशिफल

काठमाडौँ, ३ भदौ । आज २०७९ साल भदौ ३ गते शुक्रबारको राशिफल ।  मेष : आम्दानी

कृष्ण जन्मअष्टामीको अवसरमा सभ्य र सुसंस्कृत समाज निर्माण गर्न प्रेरणा मिलोस : राष्ट्रपति भण्डारी

By Peoplenepal काठमाडौँ, ३ भदौ । श्रीकृष्ण जन्माष्टमी पर्वले सम्पूर्ण नेपालीहरूमा आपसी सद्भाव, करूणा र मैत्री

अब सामाजिक सुरक्षाकोषबाट होमलोन लिन पाइने

भाद्र २, काठमाडौं । श्रम, रोजगार तथा सामाजिक सुरक्षामन्त्री शेरबहादुर कुँवरले सामाजिक सुरक्षा कोषका योगदानकर्ता

असोज दुई र तीन गते नेसनल हेल्थ समिट टु को आयोजना हुने

पिपुल नेपाल,१ भदौ ,काठमाडौं । नेपाल चिकित्सक संघले आगमी असोज दुई र तीन गते काठमाडौंमा