९ साउन, कालिकोट । कर्णाली राजमार्ग अबरुद्ध भएको छ । राजमार्ग अन्तर्गत कालिकोटको कालिका गाउँपालिकाको वडा नं. १ को एसमोडमा सोमबार बिहान पहिरो जाँदा राजमार्ग अबरुद्ध भएको हो ।
राजमार्ग अबरुद्ध हुँदा यातायातका साधन चल्न सकेको छैनन् । कालिकोटदेखि सुर्खेत हुँदै नेपालगन्जतर्फ हिँडेका र नेपालगन्जबाट सर्खुेत हुँदै कालिकोट आउँदै गरेका सवारी साधनहरु बाटोमै रोकिएका छन् । सवारीसाधन नचल्दा यात्रुहरु बाटोमा अलपत्र परेका छन् ।
अबरुद्ध राजमार्ग खुलाउने प्रयास भइरहेको छ । सडक डिभिजनको स्काइभेटरबाट राजमार्गमा गएको पहिरो पन्छाउने काम जारी रहेको जिल्ला ट्राफिक प्रहरी कार्यालय कालिकोटले जनाएको छ ।
