March 24, 2017

नेपालीले चाहेजस्तो विकास होस् : चाङ वानक्वान

चैत ११,काठमाडौं – चीनका स्टेट काउन्सिलर तथा रक्षामन्त्री जनरल चाङ वानक्वानले नेपालीले चाहेजस्तो विकास र आवश्यकताका लागि सधैँ नजिकबाट सहयोग गर्ने बताएका छन् । प्रधानमन्त्री पुष्पकमल दाहाल प्रचण्ड र रक्षामन्त्री बालकृष्ण खाणसँगको छुट्टाछुट्टै भेटमा चाङले नेपालमा शान्ति, प्रगति र विकास भएको चीनले देख्न चाहेको पनि स्पष्ट पारेका छन् । यो खबर आजको नयाँ पत्रिकामा छ ।

‘हामी नेपालमा शान्ति, प्रगति र विकास भएको देख्न चाहन्छौँ,’ चिनियाँ रक्षामन्त्री चाङको भनाइ उद्धृत गर्दै रक्षा मन्त्रालयले भन्यो, ‘हामी नेपालीको हित चाहन्छौँ । साथै नेपाली जनताले चाहेजस्तो विकास होस् भन्ने हाम्रो सद्भाव छ ।’

तीनदिने औपचारिक भ्रमणमा बिहीबार नेपाल आएका चिनियाँ रक्षामन्त्री चाङले दुई देशको सम्बन्ध नङ र मासुजस्तो रहेको र क्षेत्रीय तथा अन्तर्राष्ट्रिय तहमा पनि सम्बन्धले राम्रो प्रभाव पारेको बताएका छन् । उनले संयुक्त राष्ट्रसंघको शान्ति प्रयास, विकास निर्माण र विपत् व्यवस्थापनमा नेपाली सेनाको भूमिका बढाउन आवश्यक सहयोग गर्नेसमेत रक्षामन्त्री चाङले आश्वासन दिएका छन् । नेपाल र नेपाली सेनालाई चीनले दिँदै आएको सहयोगमा निरन्तरता हुने पनि उनको भनाइ छ ।

एक चीनप्रति नेपाल दृढ : प्रधानमन्त्री प्रचण्डले चिनियाँ रक्षामन्त्री चाङसँगको भेटमा एक चीन नीतिप्रति नेपाल दृढ रहेको र तिब्बत तथा ताइवानविरोधी गतिविधिलाई नेपालले सधैँ विरोध गर्ने स्पष्ट पारेका छन् । प्रधानमन्त्री प्रचण्डले चीनले अघि सारेको वान बेल्ट वान रोड परियोजनाको साझेदार बन्न नेपाल इच्छुक रहेको धारणा राखेका पनि प्रधानमन्त्रीको सचिवालयले जनाएको छ । भेटमा प्रधानमन्त्रीको भनाइ थियो, ‘नेपालको राजनीतिक स्थायित्व र आर्थिक विकासमा चीनको सहयोग महत्वपूर्ण रहँदै आएको छ र यो रहन्छ ।’ सचिवालयका अनुसार प्रधानमन्त्रीले नेपाली सेना र चिनियाँ जनमुक्ति सेनाबीच विकसित सम्बन्धप्रति सन्तोष व्यक्त गरेका थिए ।

रक्षामन्त्री जनरल चाङले प्रधानमन्त्रीलई चीन भ्रमणको सफलताको कामनासमेत गरेका छन् । उनले एक चीन नीतिप्रति नेपालको प्रतिबद्धता र वान बेल्ट वान रोडमा सहभागिताका लागि देखाएको रुचिको सराहना गरेका थिए ।

प्रतिक्रिया दिनुहोस्
सम्बन्धित वर्गका समाचारहरू

न्युजिल्याण्डकी प्रधानमन्त्री आर्डेनले राजीनामा दिँदै

५ माघ , काठमाडौं ।  न्युजिल्याण्डकी प्रधानमन्त्री जसिन्डा आर्डेनले आगामी फेब्रुअरी ७ अगाडि नै राजीनामा

८२ वर्षको उमेरमा अस्ताय सर्वकालिन महान फुटबल खेलाडी पेले

१५ पुस,काठमाडौं । सर्वकालिन महान फुटबल खेलाडी पेलेको ८२ वर्षको उमेरमा निधन भएको छ ।

अमेरिकी सहायक विदेशमन्त्री ट्रुडो काठमाडौँ आईपुगिन

काठमाडौँ, १२ असोज । अमेरिकी विदेश मन्त्रालयको विश्वव्यापी सार्वजनिक मामिला हेर्ने कार्यवाहक सहायक विदेशमन्त्री एलिजावेथ ट्रुडो

चीनले केरुङ–काठमाडौँ रेलवे अध्ययनमा १५ अर्ब अनुदान दिने

काठमाडौँ, २६ साउन । चीनले केरूङ–काठमाडौँ रेलमार्गको सम्भाब्यता अध्ययन अनुदानमा गरिदिने भएको छ । चीन

नेपालमा बसेर रोमानियांबाट पोर्चुगल मानव तस्करी,१० लाख खर्च जेलको बसाई

पिपुल नेपाल संवाददाता,अन्तरास्ट्रिय ब्युरो,१८ साउन। वैदेशिक रोजगारीको लागि युरोपियन देशहरु नेपाली युवाहरुका लागि ‘ड्रिम’ कन्ट्री

अमेरिकी सहायक विदेशमन्त्री डोनाल्ड एसपीपीको गाँठो फुकाउदै

काठमाडौँ, १३ साउन । दक्षिण तथा मध्यएसियाली मामिलासम्बन्धी अमेरिकी सहायक विदेशमन्त्री डोनाल्ड लु बिहीबार काठमाडौं आइपुगेका