दक्षिण भारतमा सडक दुर्घटना, तेह्रजनाको मृत्यु

भारत । दक्षिण भारतको आन्द्र प्रदेशमा प्रहरी चौकी नजिकै प्रदर्शन गरिरहेका किसानहरुको समूहमा शुक्रबार एउटा ट्रक जोतिँदा कम्तीमा १३ जना प्रदर्शनकारीको मृत्यु भएको भारतीय प्रहरीले जनाएको छ । घटनामा करिब २० व्यक्ति घाइते भएका छन् । उनीहरुको स्थानीय विभिन्न अस्पतालमा उपचार भइरहेको छ । प्रहरीका अनुसार प्रदर्शन गरिरहेको ठाउँ नजिकै ट्रक चालकले नियन्त्रण गुमाउँदा उक्त ट्रकले नजिकैको बिद्युत्को खम्बामा ठक्कर खाएपछि ट्रक प्रदर्शनकारीतर्फ मोडिएको बताइएको छ ।

 घटना चालकको लापरवाहीका कारण भएको एक प्रहरी अधिकारीले आफ्नो नाम नबताउने सर्तमा बताए । चालकले मादक पदार्थ सेवन गरेको वा के कारणले दुर्घटना हुन पुगेको हो सो सम्बन्धमा अनुसन्धान जारी रहेको बताइएको छ । भारतीय समाचार संस्था (पीटीआई) ले ट्रकले प्रदर्शकारीलाई ठक्कर दिएपछि चालक घटनास्थलबाट फरार रहेको जनाएको छ ।

उक्त अवसरमा स्थानीय किसानले गैरकानुनीरुपमा बालुवा उत्खनन् गरेको विरोधस्वरुप प्रदर्शन गरेका थिए । भारतीय प्रधानमन्त्री नरेन्द्र मोदीले घटनाप्रति खेद प्रकट गर्दै मृतकप्रति श्रद्धाञ्जली अर्पण गर्दै उनीहरुका परिवारजनमा समवेदना प्रकट गर्नुभएको छ । यसैवीच आन्द्र प्रदेशका मुख्यमन्त्री चन्द्रबाबु नायडुले मृतकका परिवारजनलाई भारु पाँच लाख बराबरको राहतको घोषणा गर्नुभएको छ ।

भारतमा कमजोर सडक संरचना तथा चालकको लापरवाहीलगायतका कारण बर्सेनि एक लाख ५० हजार मनिसको मृत्यु हुने गरेको तथ्याङ्क छ । यही बुधबार उत्तर भारतमा भएको एउटा बस सडकबाट खस्दा ४४ जनाको मृत्यु भएको थियो । रासस÷एएफपी

प्रतिक्रिया दिनुहोस्
सम्बन्धित वर्गका समाचारहरू

अमेरिकी सहायक विदेशमन्त्री ट्रुडो काठमाडौँ आईपुगिन

काठमाडौँ, १२ असोज । अमेरिकी विदेश मन्त्रालयको विश्वव्यापी सार्वजनिक मामिला हेर्ने कार्यवाहक सहायक विदेशमन्त्री एलिजावेथ ट्रुडो

चीनले केरुङ–काठमाडौँ रेलवे अध्ययनमा १५ अर्ब अनुदान दिने

काठमाडौँ, २६ साउन । चीनले केरूङ–काठमाडौँ रेलमार्गको सम्भाब्यता अध्ययन अनुदानमा गरिदिने भएको छ । चीन

नेपालमा बसेर रोमानियांबाट पोर्चुगल मानव तस्करी,१० लाख खर्च जेलको बसाई

पिपुल नेपाल संवाददाता,अन्तरास्ट्रिय ब्युरो,१८ साउन। वैदेशिक रोजगारीको लागि युरोपियन देशहरु नेपाली युवाहरुका लागि ‘ड्रिम’ कन्ट्री

अमेरिकी सहायक विदेशमन्त्री डोनाल्ड एसपीपीको गाँठो फुकाउदै

काठमाडौँ, १३ साउन । दक्षिण तथा मध्यएसियाली मामिलासम्बन्धी अमेरिकी सहायक विदेशमन्त्री डोनाल्ड लु बिहीबार काठमाडौं आइपुगेका

अमेरिकामा गर्भपतनसम्बन्धी संवैधानिक अधिकार खारेज

एजेन्सी, ११ असार । अमेरिकाको सर्वोच्च अदालतले गर्भपतन वैध हुने ५० वर्षअघिको आदेशलाई उल्टाएको छ

श्रीलंकामा फेरि संकटकाल लागु

 वैशाख २४, एजेन्सी: श्रीलंकामा फेरि संकटकाल लागु गरिएको छ । चौतर्फी विरोधका बाबजुद श्रीलंकका गोताबाय