‘कमल थापाले राजतन्त्रको नाममा गणतन्त्रको स्वाद लिइरहे’

५ साउन, काठमाडौं । राष्ट्रिय शिवसेना पार्टीका अध्यक्ष विक्रम बमले नयाँ गणतान्त्रिक संविधानलाई विखण्डनकारीको संज्ञा दिएका छन् । आज काठमाडौंमा भएको एक कार्यक्रममा बमले यस्तो आरोप लगाएका हुन् ।

Bikram-Bamप्रमुख तीन दलका नेताहरुले मुलुक चलाउन नसक्ने बताउँदै अध्यक्ष बमले भने, ‘मुख्य तीन दलका नेताले यो मुलुक चलाउन सक्दैनन्, तीन दलको सिण्डिकेटले मुलुक भड्खालोमा जाक्किँदैछ, यो संविधानलाई तीन दल काँग्रेस, एमाले र माओवादीलेबाहेक अरु कसैले मानेका छैनन् ।

उनले अघि थपे, ‘हामी संवैधानीक राजतन्त्र र हिन्दुराज्यको पक्षमा छौं, ०४७ सालको संविधान अनुसार मुलुकलाई सुमार्गतिर लैजान सकिन्छ, होईन भने यो विखण्डनकारी संविधानले मुलुक विभाजनतिर जान्छ।’ उनले राप्रपाका अध्यक्ष कमल थापाले राजतन्त्रको नाममा गणतन्त्रको स्वाद लिइरहेको समेत आरोप लागाए ।

उनले भने, ‘कमल थापा सुरुमा राजतन्त्र र हिन्दुराज्यको मुद्धा उठाएर जनताको बीचमा गए, जनताले दिएको मतलाई उनले पद, शक्ति र सक्तासँग साटे, थापा जसको सरकार आएपनि सक्ताभन्दा बाहिर रहन नसक्ने भए, त्यहि भएर पनि आज राप्रपाका अधिकांश कार्यकर्ता पार्टी छोड्दैछन,् त्यस्तै डा.प्रकाशचन्द्र लोहनी राप्रपामा टिक्न नसकेर बाहिरिएका छन्।’

 

photo

NOC1-250x300