अटो रिक्सा ट्रकमा ठोक्किँदा ७ जनाको मृत्यु

एजेन्सी । भारतको आन्ध्र प्रदेशमा तिर्थयात्री बोकेको अटो रिक्सा ट्रकसँग ठोक्किएर दुर्घटना हुँदा ७ जनाको मृत्यु भएको छ । ६ जना घाईते भएका छन् ।

रवुलापालेम् अमलापुरम राजमार्ग अन्तर्गत पर्ने पूर्वी गोदावरी जिल्लाको मोडेकुरुमा आज बिहान मन्दिर जान लागेका महिला चढेको अटो रिक्सा तिव्र गतिमा रहेको ट्रकसँग ठोक्किएको हिन्दुस्तान टाईम्सले उल्लेख गरेको छ ।

घाईतेमध्ये केहीको अवस्था गम्भीर रहेको समाचारमा उल्लेख छ । मृत्यु हुने सबै महिला हुन् । ६ जनाको घटनास्थलमै र एक जनाको उपचारका क्रममा अस्पतालमा मृत्यु भएको हो । प्रहरीका अनुसार अटो रिक्सामा १३ जना महिला सवार थिए ।

उनीहरु सबैजना प्रशिद्ध भगवान वेनकातेश्वर स्वामीको मन्दिरमा दर्शनका लागि जाँदै गरेका थिए । मृतक सबै अलवाराम गाउँकै स्थानीय बासिन्दा भएको भारतीय सञ्चारमाध्यमहरुले जनाएका छन् ।

 

photo

NOC1-250x300