काठमाडौं । उत्तर कोरियाको आणविक हतियार निर्माण मुद्दा सम्बन्धी समस्याको समाधान गर्न प्रमुख २० राष्ट्रका विदेश मन्त्रीहरुको बैठक आज बस्दैछ ।
उत्तर कोरियाको आणविक परीक्षणलाई रोक्न कूटनीतिक र आर्थिक दबाबसम्बन्धी थप छलफल गर्न बोलाइएको बैठकमा चीनले भने सहभागीता नजनाउने बताएको छ ।
लामो समयदेखिको उत्तर कोरियाको व्यवसायिक मित्र राष्ट्र भएकाले सबै राष्ट्रहरु चीनप्रति निकै आशावादी भएको रोएटर्सले बताएको छ । तर चीनको तर्फबाट भने कोही पनि सहभागी नहुने भनिएपछि वार्ता विना निष्कर्ष टुङ्गिनेमा अन्य राष्ट्रहरुले चिन्ता व्यक्त गरिरहेको बताइएको छ ।
क्यानडा र अमेरिकाको नेतृत्वमा भ्यानकोभरमा बस्ने भनिएको उक्त बैठकमा उत्तर कोरियाको मिसाइल परीक्षण रोक्न आगामी दिनहरुमा केकस्ता कदम उठाउने भन्नेबारे छलफल गर्न लागिएको हो । अहिलेका लागि भने उत्तर कोरियाले दक्षिणमा हुने ओलम्पिक्स खेलमा सहभागीता जनाउने भएपछि केही समय कोरियाली प्रायद्विप शान्त रहने सम्भावना देखिएको छ । तरपनि उत्तर कोरियाको कुनैपनि क्रियाकलापलाई नजरअन्दाज गर्न नमिल्ने अमेरिकाको भनाइ छ ।
अहिलेसम्म उत्तर कोरियामाथि लगाइएको प्रतिबन्धले सकारात्मक असर देखाइरहेको र उनीहरुमा यसको गम्भीर प्रभाव परिरहेको राष्ट्र विभागका निर्देशक ब्रायन हुकले बताएका छन् ।
तरपनि चीनको अनुपस्थितिले बैठकमा थुप्रै चुनौतिहरु थपिदिने बताइएको छ । उत्तर कोरियामा चीनको अत्यन्तै बढी प्रभाव रहेकाले पनि बैठकलाई सफल पार्न चीनको प्रमुख भूमिका रहने आशा गरिएको थियो । उता उत्तर कोरियाको अर्को मित्र राष्ट्र रुसले पनि यस बैठकमा सहभागीता नजनाउने भएपछि वार्ता सफल हुने सम्भावना धेरै कम हुने बताइएको छ । त्यसकारण विशेषगरी चीनको सहयोग बिना उत्तर कोरियासम्बन्धी मुद्दा कहिल्यै समाधान हुन नसक्ने भन्दै अन्य मुलुकहरुले चिन्ता व्यक्त गरेका छन् ।
यता अमेरिका र दक्षिण कोरियाको संयुक्त सैन्य अभ्यासप्रति पनि चीन र रुसले राम्रो प्रतिक्रिया दिइरहेका छैनन् । यसैकारणले राष्ट्रपति ट्रम्पले हालका केही अन्र्तवार्ताहरुमा उत्तर कोरियाप्रति केही नरम भएको संकेत गरिरहेको हुन सक्ने अन्तराष्ट्रिय संचार माध्यमले बताएका छन् ।
अमेरिकाका रेक्स टिलरसन समेत उपस्थित हुने यस बैठकमा उत्तर कोरियाले प्रतिबन्धको उल्लंघन गर्दै जहाज मार्फत चीनबाट इन्धन आयात गरेको सम्बन्धी पनि गम्भीर छलफल गरिने बताइएको छ जसलाई पनि चीन उपस्थित नहुनुको कारण हुन सक्ने बताइएको छ ।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने