सत्तारुढ दलहरुले मन्त्रिमण्डलको भागबन्डा टुङ्गाए , दिउँसो १ बजे शपथ ग्रहण

३ माघ,काठमाडौं । आज मन्त्रिमण्डलले पुर्णता पाउने भएको छ । नवनियुक्त मन्त्रिहरुको दिउँसो १ बजे शपथ ग्रहणको कार्यक्रम राखिएको छ ।

सोमबार राती अबेर सम्म बसेको सत्ता गठबन्धनको बैठकले मन्त्रालय बांडफांडको टुंगो लगाएपछि आज नयाँ मन्त्रीहरूको शपथ हुने भएको हो ।

सात्ता गठबन्धनको सहमति अनुसार सत्तासीन सबैभन्दा ठूलो दल नेकपा (एमाले) ले ८ वटा मन्त्रालय पाएको छ । जसमा अर्थ, परराष्ट्र, रक्षा, भूमि सुधार, कृषि, स्वास्थ्य र महिला बालबालिका मन्त्रालय रहेको छ ।

माओवादी केन्द्रले प्रधानमन्त्रीबाहेक ४ वटा मन्त्री र एक राज्यमन्त्री पाएको छ । माओवादी केन्द्रले पाएको मन्त्रालयहरु भौतिक पूर्वाधार, सञ्चार, पर्यटन र संघीय मामिला मन्त्रालय रहेको छ ।

राप्रपाले ऊर्जा, खानेपानी र युवा तथा खेलकुद मन्त्रलाय गरेर ३ मन्त्री र एक राज्यमन्त्री पाएको छ । त्यस्तै, राष्ट्रिय स्वतन्त्र पार्टी (रास्वपा) ले गृह, शिक्षा र श्रम मन्त्रालय सहित ३ मन्त्री र एक राज्यमन्त्री पाएको छ ।

त्यस्तै सिके राउत नेतृत्वको जनमत पार्टीले १ मन्त्रालयमै चित्त बुझाएको छ । जनमत पार्टीले यद्योग वााणिज्य तथा आपूर्ति मन्त्रालय पाएको हो । जसपाको भगमा २ वटा मन्त्रालय प्रस्ताव गरिएको छ तर जसपाले २ मन्त्रालयमा चित्त बुझाउन नसक्दा आफ्नो भागमा परेको मन्त्रालय स्वीकार गरेको छैन ।

जसपा र नागरिक उन्मुक्ति पार्टीलाई चित्त बुझाउने प्रयास जारी रहेको बताइएको छ ।