सिन्धुज्वाला हाईड्रोमा ब्रम्हलुट,सेयर सदस्यको पैसाले चुर्नप्रसादको पेट्रोल पम्प

१० असोज,काठमाडौं ।
सिन्धुपाल्चोकको गुम्बा स्थित निसमखोलामा कार्यक्षेत्र हुने गरि दर्ता भएको ४३ मेगावाटको सिन्धुज्वाला हाईड्रोपावरले देशभरका १८३२ जना सेयर सदस्यबाट संकलन गरिएको ५४ करोड रुपैयाँ पैसामा ब्रम्हलुट मच्यायको छ।

सेयर सदस्यहरुबाट जम्मा गरिएको रकमले पुर्व संचालक चुर्नप्रसाद श्रेष्ठले बनेपामा पेट्रोल पम्प लगाएतको आफ्नो निजि ब्यवसायमा लगानी गरेका हुन।श्रेष्ठले सेयर सदस्यहरुबाट संकलन गरिएको पुंजीलाई आफ्नो ब्यक्तिगत ब्यवसायमा लागानी गरेर कम्पनी कंगाल बनाएर आफुहरुलाई जिम्मा लाएको हाईड्रोका हालका डाईरेक्टर प्रकाश रजौरेले बताएका छन।

उनले भने ‘चुर्नप्रसाद श्रेष्ठ दुनियाँको पैसा उठाएर खाएर अहिले भागी-भागी हिंडिरहेका छन।सर्वसाधारणको पैसा उठाएर श्रेष्ठले बनेपामा पेट्रोलपम्प खोलिरहेका छन।कम्पनीको पैसा उठाउने र आफ्नो व्यावसाय गर्ने।कम्पनीको जग्गा किन्छु भनेर पैसा निकाल्ने तर पैसा हिनामिना गर्ने काम चुर्न प्रसाद श्रेष्ठले गरेका हुन।उनले धेरै सिन्धुपाल्चोकका मान्छेहरुको पैसा उठाएर खाएको प्रमाण हामिले भेटेका छौं । त्यस्ता सोचका मान्छेहरुले गर्दा कम्पनी अगाडी नबढेको हाईड्रोका डाईरेक्टर रजौरेको भनाइ रहेको छ ।’

हाईड्रोपावरले सेयर सदस्यहरू बाट संकलित ५४ करोड रुपैयाँ सिध्याउंदा प्रिफ्याब भवन तथा मेसिनरी वाल निर्माणको लागि जिम्मेवारी दिएको मोक्तान कन्ट्रक्सन लाई १७ लाख रुपैयाँ काम सकाएको ४ बर्ससम्म भुक्तानी दिएको छैन ।आफुले पाउनुपर्ने रकमको मागदावी सहित मोक्तान कन्ट्रक्सनका संचालक तथा श्रमिकहरुले श्रम अदालतमा मुद्दा  हाल्ने तयारी गरिरहेको मोक्तान कन्ट्रक्सनले जानकारी दिएको छ।