कांग्रेसका कार्यकर्ताको बाक्लो उपस्थितिमा कांग्रेस केन्द्रीय सदस्य गोविन्द भट्टराई , शंकर भण्डारी, प्रदीप पौडेलसहित केन्द्रीय सदस्यहरू उपस्थित थिए। बुधबार पुल उद्घाटन गर्न गएका नेता पौडेललाई प्रहरीले नियन्त्रणमा लिएको थियो । पुल उद्घाटन गर्न जाँदा प्रहरीले निषेधाज्ञा उल्लंघन गरेको आरोपमा पौडेललाई नियन्त्रणमा लिएर तीन घण्टा पछि मात्रै छाडेको थियो।

तालघरे र दुम्सी जोड्ने पुलको कांग्रेस वरिष्ठ नेता पौडेलबाट उद्घाटन गर्ने कार्यक्रम तय भएको थियो । तर पुल उद्घाटन पौडेलबाट हुन नदिन नेकपा नेतृत्वले विरोध गरेको थियो। कार्यक्रममा नेताहरुले पुल उद्घाटन रोकेको भन्दै सरकार र स्थानीय प्रशासनको आलोचना गरेका छन् ।