यतिबेला सामाजिक सञ्जालमा केही तस्बिरहरु सार्वजनिक भइरहेका छन् जसमा लकडाउन तोडेको भन्दै सर्वसाधारणलाई प्रहरीले यातना दिइरहेका देखिन्छ ।
विहीबार साँझ औषधि किनेर फर्किरहेका एक युवालाई कलंकी मन्दिरमा एक प्रहरीले खुट्टा भाँचिनेगरी पिटे । अलि धूलो मैलो देखिने, गरिब गुरुवा र मजदुरहरु देख्नासाथ प्रहरीले निर्घात पिट्ने गरेका ती युवकले गुनासो गरे । ‘तर सँगै हिडिरहेका सुकिला मुकिला मानिसलाई प्रहरीले केही गर्दैन । केही सोध्दैन,’ उनले भने, ‘कम्तिमा पिट्नुअगाडि सोध्नु त पर्छ । म अत्यावश्यक कामको लागि गएको भनेर प्रमाण दिन सक्थेँ, तर प्रहरीले त्यो आवश्यक ठानेन ।’
ती युवाले साझापोस्टसँगको कुराकानीमा भने, ‘लकडाउन उल्लंघन गर्नेलाई जेल हाले पनि हुन्छ । तर वास्तविकता थाहा नपाई कानून उल्लंघन गर्दै कुटेर बहादुरी देखाउने काम प्रहरीले बन्द गर्नुपर्छ ।’
केही दिनअघि सामाजिक सञ्जालमा भाइरल भएको एउटा भिडियोमा साइकलमा आइरहेका एक बालकलाई प्रहरीले निर्घात पिटेको देखिन्छ । त्यहाँ बालकले पैसा सकिएकोले सामान किन्न अंकलकोमा पैसा लिन जान लागेको भनिरहेको हुन्छ । तर प्रहरीले कुरै नसुनी निर्घात कुट्छ । तर प्रहरीसँगै केही मानिसहरु सुर्ती माडेर बसिरहेका हुन्छन् प्रहरीसँगै गफिँदै ।
कहीं प्रहरीले भाटाले पिटिरहेका देखिन्छन् भने कहीँ कुखुरा बनाएका । यही क्रममा तराई मधेसमा सशस्त्र प्रहरीले केही युवाहरुलाई कुटपिट गरेको तस्बिर सार्वजनिक भएको छ । साथै, पछिल्लो समय ग्यास बोकेर आइरहेका एक युवालाई एक महिला प्रहरी जवानले काँधमा सिलिन्डर बोकाएर बस्न लगाएको तस्बिर सामाजिक सञ्जालमा भाइरल भइरहेको छ ।
उक्त तस्बिरबारे नेपाल प्रहरी बोलेको छ । नेपाल प्रहरीले उक्त तस्बिरमाथि छानबिन सुरु भएको जनाएको छ । ‘सामाजिक सञ्जालमा प्रहरी कर्मचारीले सर्वसाधारणलाई ग्यासको सिलिण्डर बोकाएर सडकमा बसाएको तस्बिरको सम्बन्धमा सबैबाट प्राप्त भएको सुझाव, गुनासोलाई प्रहरी प्रधान कार्यालयले गम्भिरताका साथ लिएको र आवश्यक छानबिन भइरहेको जानकारी गराउँदछौं,’ नेपाल प्रहरीले भनेको छ ।
जेठ २, काठमाडौँ। क्रिकेटर सन्दीप लामिछानेले बलात्कार मुद्दामा सफाइ पाउनुभएको छ । उच्च अदालत पाटनले बुधबार
वैशाख ३१, काठमाडौँ । उपप्रधान एवम् परराष्ट्रमन्त्री नारायणकाजी श्रेष्ठले रोगको उपचारमा भन्दा रोकथाममा केन्द्रित हुनुपर्ने
वैशाख २७, विराटनगर। कोशी प्रदेशको मुख्यमन्त्रीमा नेकपा (एमाले) संसदीय दलका नेता हिक्मतकुमार कार्की नियुक्त हुनुभएको
काठमाडौँ, २५ वैशाख । वैदेशिक रोजगारीका नाममा पछिल्लो समय ठगीका घटना बढेपछि श्रम, रोजगार तथा सामाजिक
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना