मृत्यु हुने पाँच जनाको शव फेला परेको छ भने एक महिला गम्भिर घाइते अवस्थामा फेला परेकी छन्। यस्तै एकजनाको अवस्था भने अज्ञात रहेको नुवाकोटका प्रहरी उपरीक्षक बसन्त कुँवरले जानकारी दिएका छन् । जिवितै फेला पर्नेमा डाेल्मा अानी रहेकी छिन् । उनैले फाेन गरेर दुर्घटना स्थलकाे पहिचान दिएकी थिइन् ।
दुुर्घटनामा पाइलट निश्चल केसीको ज्यान गएको छ। उनको शव दुर्घटनाग्रस्त अवस्थामा फेला परेको हेलिकप्टर भित्रै फेला परेको थियो। यस्तै गम्भीर घाईते हुनेमा ल्हो आनी डोल्मा डिकी रहेकी छिन्। हेलिकप्टरमा सात जना सवार रहेको बताइएकाे छ ।
गोरखाको चुमनुब्री गाउँपालिका–१ को सामागाउँबाट उडेको हेलिकप्टर धादिङ र नुवाकोटको सिमानामा पर्ने नुवाकोटको मेघाङ गाउँपालिका १ बर्सुङचेतको मैलुङपाखाको जंगलमा दुर्घटनाग्रस्त अवस्थामा फेला परेको उपरीक्षक कुँवरले बताए। हेलिकप्टरमा एक जापानी नागरिक समेत सवार रहेका थिए।
