काठमाडौं, १८ भदौ । गृहमन्त्रालयका सहसचिव ईश्वर पौडेल संयोजकत्वमा गठित ३३ किलो सुन छानबिन समितिले एसएसपी दिवेश लोहनीसहितका प्रहरी अधिकृत र केही व्यापारीलाई पक्राउ गर्ने बाहेक कुनै उल्लेख्य काम नगरी बिदाई भइसकेको छ । समितिले पक्राउ गरेका ठूला र चचिर्ति ब्यापारीमा दीपक मल्होत्राका व्यापारिक साझेदार विमल पोद्दार हुन् । पोद्दारलाई पक्राउ गरिसकेपछि छानबिन समिति सुन प्रकरणको छानबिनमा गहिराईमा पुगेको अनुमान धेरैले गरेका थिए तर, पोद्दारले समितिलाई दिएको बयानका क्रममा दीपक मल्होत्रा लगायत अधिकार पक्राउ नपरेपछि समिति नाममात्रको सावित हुनपुग्यो ।
सोमबार राजधानीबाट प्रकाशित साँघु साप्ताहिकमा खबर छ– पोद्दारले सुनको कारोबार मात्रै होइन, हुण्डीको समेत गर्ने गरेको रहस्य खोलिदिएका छन् । डा डेविट भन्ने छिरिङ वाङ्दा गुरुङले बिमल पोद्दारलाई तस्करीको सुन बिक्री गर्ने गरेको बयानका अधारमा उनलाई पक्राउ गरी उनी थुनामा छन् ।
पोद्दारले छिरिङबाट अवैध रुपमा ल्याएको सुन खरिद गरेको समितिसँगको बयानमा पनि स्विकार गरेका छन् । गुरुङको बयानपछि पक्राउ परेका पोद्दारले अर्थ मन्त्रालयका पूर्व सहसचिव भरतराज सुवेदी, सिमेन्ट र छड लगायत व्यापार गर्ने विष्णु न्यौपानेका साझेदार मुकुन्द तिमिल्सीना, बहालवाला प्रहरीका उच्च अधिकारी हरी पाल, पूर्व प्रहरी आइजीपी हेमन्त पाल, विरेन्द्र बाबु श्रेष्ठको समेत नाम लिएको उच्च स्रोतको दाबी छ । र, उनको बयानका आधारमा अर्थका उच्च कर्मचारी, प्रहरी अधिकारी दखि नेता समेत तानिने भएपछि अधकल्चो छानबिन गरी समिति विघटन भइसकेको छ ।
बिमल पोद्दारले समितिमा मल्होत्राको विरुद्ध बयान दिए पनि पछि मोरङ जिल्ला अदालतका सरकारी वकिल पुण्य पाठक समक्ष बयान दिने क्रममा आफूले अहिलेसम्म ४ किलो मात्र सुन विक्री गरेका बताएका छन् । जबकि छिरिङ वाङ्दा गुरुङसँग पोद्दारले २२–२३ पटक गरी २ किलोका दरले अवैध सुन किनेर जनकपुरका दिपेन्द्र साहलाई बिक्री गर्ने गरेको कुरा समितिले लिएको बयानमा भनेका छन् ।
दिपेन्द्र साहको आफन्तलाई समेत अवैध सुन बिक्री गरेको उनले बयानका क्रममा भनेका छन् । मल्होत्राले समितिमा आफ्नो विरुद्ध पोद्दारले दिएको बयान सबै फेर्न लगाएका छन् । मल्होत्रा पोद्दार पक्राउ परेदेखि नै भएभित भए । पोधारले मल्होत्राले अवैध सुन कारोबार गर्ने गरेको बयान दिएपनि उनले माथिल्लो तहसम्म पहुँच भएकाले उनी जोगिन सफल भए । पछि सरकारका उच्च अधिकारीदेखि प्रहरीका अधिकारी समेत मुछिने भएपछि सुन तस्करी छानबिन नै फिक्का हुन पुगेको छ ।
सुन तस्करीका ठूला माछा उम्किएका छन् । र, एसएसपी दिवेश लोहनी लगायत अधिकारी र बाटाबाट टिपेर लगिएका महाबिर गोल्यान जस्ताहरु मात्र जालमा पुर्पक्षका लागि थुनामा छन् । गृहमन्त्री राम बहादुर थापाले सुन छानबिन समिति गठन गरी जुन प्रसंशा बटुलेका थिए, सुन तस्करीका ठूला माछालाई पक्राउ गर्न नसकेपछि उनी पनि आलोचनाको पात्र बनेका छन् ।
दीपक मल्होत्रा, राजकुमार लोहिया र आफूलो पार्टनरसिपमा कालिकास्थानमा पूर्व प्रधानसेनापति प्याराजंग थापासहितको जग्गा प्रति आना ११ लाखमा किनी सिल्भर भ्याली डेभलपर प्राली नामक कम्पनि दर्ता गरी सिल्भरसिटी अपार्टमेन्ट निर्माण गरेको बताएका छन् । उनले भारतको दिल्लीबाट आधारकार्ड बनाएको र भारतीय राजदूतावासबाट पासपोर्ट बनाएको उल्लेख गरेका छन् ।
मल्होत्रा र लोहियासँग मिलेर तनहुँको डुम्रेमा चुनढुङ्गा खरिद गर्ने गरी बाराही क्वारिज नाममा उद्योग खोलेको उक्त उद्योगमा पोखराका चेतन गुरुङलाई २५ प्रतिशत शेयर होल्डर बनाई काम शुरु गर्न खोज्दा मनमुटाव भएकाले अनिल राजभण्डारी र ज्ञानेन्द्र प्रधानलाई २ करोड ८० लाख रुपैयाँमा विक्री गरी उक्त रकम पनि अपार्टमेन्ट निर्माणमै लगाएको बयानमा उल्लेख गरेका छन् ।
२२ कात्तिक, काठमाडौं । सांसदको एक समूहले राष्ट्रपति रामचन्द्र पौडेललाई भेटेर आगामी कोप २९ मा
असोज २२,काठमाडौँ । यही असोज १० गतेदेखि १२ गतेसम्म परेको अविरल वर्षापछिको बाढी तथा पहिरोका
भदौ २१, काठमाडौँ। नेपाल दूरसञ्चार प्राधिकरणले टिकटकमा लगाएको सबै प्रतिबन्ध हटाएको छ। शुक्रबार सूचना सार्वजनिक गर्दै
भदौ २०, सुर्खेत। नेकपा (एमाले) का महासचिव शङ्कर पोखरेलले देशमा बलियो शक्ति आवश्यक भएकाले २०८४ मा
भदौ ९,काठमाडौँ। प्रधानमन्त्री केपी शर्मा ओलीले भ्रष्टाचार र तस्करी नियन्त्रणमा प्रभावकारी काम गर्न निर्देशन दिनुभएको छ।
काठमाडौँ, साउन ११ गते । बैंक तथा वित्तीय संस्थाको पुँजीकोषमा परेको दबाब व्यवस्थापन गर्न नेपाल
