आउँदो मे ८ मा हुने भयो सोनम कपुर र आनन्दको बिहे !

 बलिउड अभिनेत्री सोनम कपुर र आनन्द आहूजाको विवाहको तारिख घोषणा भएको छ। भारतिय मिडियाका अनुसार उनीहरुको बिहे आउँदो मे ८ मा हुने भएको छ ।यसका लागी केही तस्बिरहरुमा अनिल कपुरको निवास सजाइएको र उनी पत्नीसहित विवाहको तयारीमा जुटेको देखिएको छ।कपुर र आहूजा दुवै परिवारले संयुक्त विज्ञप्ति जारी गर्दै भनेका छन्, कपुर र आहूजा परिवारलाई सोनम र आनन्दको विवाहको घोषणा गर्दा खुसी लागिरहेको छ। विवाह मे ८ मा मुम्बईमा हुनेछ।

विज्ञप्तिमा अगाडि भनिएको छ, विवाह निजी मामिला भएकाले हामी तपाईंहरुसँग परिवारको निजत्वको आवश्यकतालाई सम्मान गर्न आग्रह गर्छौं। आफ्नो जीवनको यो खास अवसरमा उत्सव मनाउँदै हामी तपाईंको आशीर्वाद र प्रेमको लागि सबैप्रति आभार व्यक्त गर्छौं।

३२ वर्षीया अभिनेत्री र दिल्लीका फेसन कारोबारी पछिल्लो केही वर्षदेखि प्रेममा थिए। दुवैलाई प्रायस् सँगै देखिँदै आए पनि उनीहरुले आफ्नो सम्बन्धबारे कहिल्यै आधिकारिक रुपमा बताएका थिएनन्।बलिउडमा बिहेको सिजन चलिरहदा यस अघि अनुष्काले विराट सँग बिहे गरिन् , अब दिपिका र रणविरको बिहेको कुरा बाहिर आएको छ । एजेन्सी