डा. गोविन्द केसीसहितका अभियन्ताले बुझाए गृहमन्त्रालयमा ज्ञापन : शान्तिपूर्ण प्रदर्शनमा रोक लगाउने निर्णय फिर्ता नलिए अवज्ञा गर्ने

डा. गोविन्द केसीसहितका अभियन्ताले सरकारले वैशाख २ गते सूचना जारी गरेका काठमाडौंका विभिन्न स्थानमा गरेको निषेधाज्ञा फिर्ता नलिए अवज्ञा गरी नागरिक स्वतन्त्रताको अभ्यास गर्ने चेतावनी दिएका छन् । गृहमन्त्री रामबहादुर थापा बादलसमक्ष बुझाइएको ज्ञापनपत्रमा सरकारका तर्फबाट वैशाख २ गतेको सूचनामार्फत गरिएको निषेधित क्षेत्र घोषणा नागरिक स्वतन्त्रतता विरुद्धको कार्य भएकाले हुँदा तत्काल फिर्ता लिन अपिल गरिएको छ ।

अन्यथा, नागरिकले निषेधित क्षेत्र घोषणाको अवज्ञा गरी नागरिक स्वतन्त्रताको अभ्यास यथावत रुपमा गर्ने जानकारी ज्ञापनपत्रमार्फत गराइएको छ ।

डा. केसीहित वरिष्ठ अधिवक्ता डा. सुरेन्द्र भण्डारी, अधिवक्ता ओमप्रकाश अर्याल लगायत रहेका छन् ।

तत्कालिन राजा ज्ञानेन्द्रको निरंकुशताको अन्त्य, लोकतान्त्रिक गणतन्त्रको स्थापना, सुशासन, मानवअधिकार र विधिको शासनको प्रवद्र्धनमा माइतीघर मण्डला लगायतका सार्वजनिक स्थानहरुमा भएका आम नागरिकका शान्तिपूर्ण भेला, प्रदर्शनसहितका अभियानहरुको अतुलनीय योगदान रहेकाले निषेधित क्षेत्र घोषणाले उक्त योगदानको अवमुल्यन गरेको ज्ञापनपत्रमा उल्लेख छ ।