पाँचसय रुपैंया लिएर मुम्बाइ छिरेकी दिसा पटानीको यस्तो छ संघर्ष…..

एजेन्सी, २०  चैत – टाइगर श्रफ र दिसा पाटनीको फिल्म ‘बागी २’ ले बीटाउनमा अहिले राम्रो चर्चा कमाइरहेको छ । बागी २ ले तीन दिनमा मात्र करिब ७३ करोडको कमाइ गरेको छ । अहिलेसम्म दुई तीनवटा मात्र फिल्ममा अभिनय गरेपनि उनको तुलना अहिले बलिउडका प्रख्यात सेलिब्रेटीहरुसँग हुन थालेको छ ।

आफ्नो एक्टिङको सपनालाई पुरा गर्न पढाईलाई आधा छोडेर मुम्बाई छिरेकी दिसाको करियरको सुरुवाती दिन संघर्षले भरिएको छ । एक अन्तर्वार्तामा दिसाले मुम्बाई छिर्दा आफूले साथमा पाँचसय मात्र बोकेर आएको बताइन् । उनले आफूलाई स्थापित गर्न र पहिचान बनाउन धेरै संघर्ष गरेको पनि बताइन् ।

दिसाले भनिन्, ‘कलेज पढ्दै गरेका केटीहरुका लागि शहरमा गुजारा गर्नु सजिलो थिएन । म एक्लै बस्थे र काम गर्थे । मैले कहिल्यै पनि गुजाराका लागि आफ्नो परिवारसँग पैसा मागिन् ।’

उनले आफू प्रत्येक दिन अडिसन दिन जाने गरेको र पैसा नभए घर भाडा दिन नपाउने आफूमाथि ठूलो दबाब रहेको उनले बताइन् ।