नेपालको निर्वाचन र वाम गठबन्धन बारे उपाध्यायले खोले यस्तो रहस्य !

७ कात्तिक, काठमाडौं : निवर्तमान राजदुत दिपकुमार उपाध्यायले नेपालमा हुन गईरहेको प्रदेश र प्रतिनिधि सभाको निर्वाचनमा भारतको पूर्ण सहयोग, साथ र सद्भाव रहेको स्पष्ट पारेका छन ।

रिपोर्टर्स क्लब नेपालले आयोजना गरेको साक्षात्कारमा बोल्दै उपाध्यायले अहिले देखिएको वामगठबन्धनलाई भारतले सहज रुपमा लिएको समेत जानकारी दिए । उपाध्यायले नेपालको चुनावप्रति भारतको सदैव साथ र सहयोग रहेको समेत बताए ।

भारतका लागि निवर्तमान राजदुत उपाध्यायले २ वर्षै कुटनीतिक यात्राबाट आफूले विश्राम लिएर पूनः राजनीतिमै फर्किएको जानकारी दिए । उनले संसदको म्याद सकिएको अवस्थामा आफ्नो राजिनामा अन्तिम–अन्तिम अवस्थामा स्विकृत भएकोले तत्काल राजदुत नियुक्त हुन नसक्ने अवस्था भएपनि नेपालको परराष्ट्र सेवा अत्यन्तै चुस्त–दुरुस्त र सक्षम नेतृत्व रहेकोले कुनै समस्या नआउने विश्वास दिलाए ।

उनले लेफ्ट एलायन्स आक्रमक रुपमा उत्रिएकोले लोकतान्त्रिक शक्तिहरुवीच चुनावी तालमेलको प्रयास भैरहेकोले पहिलो कुरा देश र जनताले जित्नुपर्ने धारण राखे । भारत बसाईको क्रममा आफूले विकासका धेरै मोडेलहरु देखेको स्मरण गराउँदै नेपाल भू–स्वर्ग भएकोले निर्वाचनपछि मुलुकले विकासको गति लिने उहाको भनाई थियो ।