दीपिका पादुकोण डिप्रेशनको शिकार

बलिउड अभिनेत्री दिपिका पादुकोण ३ वर्षदेखि डिप्रेशनमा परेकी छन्। अहिले पनि उनले उक्त समस्याबाट छुट्कारा पाउन सकेकी छैनिन्।

बिहिबार उनले डिप्रेशनका बारेमा आफ्नो अनुभव सुनाउदै भनिन्, मेरालागि डिप्रेशनसँगको लडाइ एकदमै नराम्रो थियो। म अहिलेपछि सधै डराउने गर्छु की फेरि मलाई उक्त समस्याले नसताओस्। उनले मानसिक विरामीका विषयमा सञ्चारमाध्यमसँग कुराकानी गर्दै यस्तो कुरा बताएकी थिइन्। डिप्रेशनले आफुलाई पूरै डुबाएको भन्दै उनले अहिलेपनि आफ्नो दिमागमा उक्त कुरा आइरहने बताइन्। जस कारणले फेरि आफूलाई डिप्रेशनले सताउछ की भन्ने चिन्ता लागिरहने समेत उनको भनाइ छ।

उनले भनिन्, आज भारतमा आत्महत्याको दर बढ्दै गएको छ। जसको पहिलो कारण डिप्रेशन हो। आज म पनि राम्रो काउन्सिलर नपाएको भए यस्तो अवस्थामा उभिन सक्ने थिइन्। आफुले राम्रा चलचित्रमा आएको अफर गुमाउनु पर्दा डिप्रेशनमा पर्नु परेको प्रष्ट पारेकी थिएन्। मैले केही राम्रा चलचित्रको अवसर गुमाउनु पर्दा त्यस्तो अवस्थामा परेकी थिइन्।