८ असोज, काठमाडौं । आगामी निर्वाचनमा केन्द्र र सबै सात प्रदेशमा सरकारको नेतृत्व गर्ने संकल्पसहित एमाले केन्द्रीय कमिटी बैठक आइतवार सम्पन्न भएको छ ।
अध्यक्ष केपी शर्मा ओलीले केन्द्रीय सदस्यहरुका प्रश्नको जवाफ दिएर राजनीतिक प्रतिवेदन पारित भएपछि बैठक सम्पन्न भएको हो । बैठकले बिभिन्न विषयमा १४ बुँदे निर्णय गरेको छ ।
एमालेले आगामी प्रदेश र प्रतिनिधिसभा निर्वाचनका लागि उम्मेदवार सिफारिस गर्ने मापदण्ड समेत तय गरेको छ । उम्मेदवारको टिकटमा हस्ताक्षर गर्ने जिम्मेवारी अध्यक्ष केपी शर्मा ओलीलाई दिने गरी निर्वाचन आयोगलाई पत्राचार गर्ने निर्णय समेत गरेको छ ।
एमालेका प्रादेशिक निर्वाचन क्षेत्र समन्वय कमिटी र प्रतिनिधिसभाका क्षेत्रीय निर्वाचन कमिटीहरुले बढीमा तीन जनाको नाम प्रदेश कमिटीमा सिफारिस गर्नुपर्नेछ । सकेसम्म क्षेत्रीय कमिटीबाटै सर्वसम्मत रुपमा एकजनाको नाम सिफारिस गर्न प्रोत्साहन गरिएका प्रचार बिभाग उपप्रमुख सूर्य थापाले बताए ।
प्रदेशबाट सिफारिस भएका नामका आधारमा स्थायी कमिटीले उम्मेदवार तोक्नेछ । एमालेका सबै प्रदेशसभा र प्रतिनिधिसभाका उम्मेदवारको अन्तिम टुंगो लगाउने जिम्मा केन्द्रीय कमिटीले स्थायी कमिटीलाई दिएको छ ।
माधव नेपाललाई ओलीको जवाफ
केन्द्रीय कमिटी बैठकमा जवाफ दिँदै अध्यक्ष ओलीलाई आफूलाई देवत्वकरणमा रुची नरहेको बताएका छन् । बरिष्ठ नेता नेपालले शुक्रबार बैठकमा बोल्ने क्रममा अध्यक्ष ओलीलाई देवत्वकरण गर्न खोजिएको र पार्टीलाई कोटरीबाट चलाइएको भन्दै असन्तुष्टि व्यक्त गरेका थिए ।
नेपाललाई जवाफ दिँदै ओलीले भने, ‘मलाई देवत्वकरणमा रुची छैन, अहिले पार्टीले पाएका सबै उपलव्धी सामुहिक रुपमा प्राप्त भएका हुन् । पार्टी अध्यक्षका रुपमा मैले मात्र गरेर होइन । तर, पार्टी ध्वंश भयो भन्ने र चुनावमा पार्टी पहिलो हुने कुराको तालमेल चाहिँ भएन ।’
उनले बरिष्ठ नेताहरुलाई स्थायी कमिटीमा छलफल गर्न आग्रह गरे । अध्यक्ष ओलीले बोलिरहँदा माधव नेपालले अब मैले पनि बोल्नैपर्ने भयो भनेर समय मागेका थिए । तर, ओलीले पछि छलफल गरौंला भन्दै बैठक टुंग्याएको स्रोतले जनाएको छ ।
बैठकमा उपमहासचिव घनश्याम भुषालले अध्यक्षले अध्यक्षको हाइटबाट बोल्नुपर्यो भन्दै आपत्ति जनाएका थिए । जवाफमा ओलीले भने, ‘मैले मिडियाबाट तपाईका अर्ति उपदेशहरु पढिरहेको छु ।’
केहीबेर तीन नेताबीच तनाव भएपनि बैठक सर्वसम्मत रुपमा ओलीको प्रतिवेदन पारित गर्दै सम्पन्न भएको एक नेताले बताए ।
माधव नेपालले ओलीलाई उनी निकट कार्यकर्ताले ‘बा’ भन्ने गरेकोमा समेत आपत्ति जनाएका थिए । ‘बा होइन कमरेड भन्नुपर्यो, पार्टीलाई कोटरीबाट होइन, संस्थागत ढंगले चलाउनुपर्यो’ नेपालको भनाइ उधृत गर्दै एक केन्द्रीय सदस्यले भने ।
३ जेठ २०८१। नेपाली प्रजातान्त्रिक आन्दोलनमा कोरिएको एउटा सशक्त हस्ताक्षर हो, मदन भण्डारी । निकै
जेठ २, काठमाडौँ। क्रिकेटर सन्दीप लामिछानेले बलात्कार मुद्दामा सफाइ पाउनुभएको छ । उच्च अदालत पाटनले बुधबार
वैशाख ३१, काठमाडौँ । उपप्रधान एवम् परराष्ट्रमन्त्री नारायणकाजी श्रेष्ठले रोगको उपचारमा भन्दा रोकथाममा केन्द्रित हुनुपर्ने
वैशाख ३०, काठमाडौं। नेकपा (एमाले)ले मधेश सरकारलाई दिएको समर्थन फिर्ता लिएको छ। आइतबार मधेश प्रदेशको
वैशाख २७, विराटनगर। कोशी प्रदेशको मुख्यमन्त्रीमा नेकपा (एमाले) संसदीय दलका नेता हिक्मतकुमार कार्की नियुक्त हुनुभएको
काठमाडौँ, २५ वैशाख । वैदेशिक रोजगारीका नाममा पछिल्लो समय ठगीका घटना बढेपछि श्रम, रोजगार तथा सामाजिक