कमल थापा राजावादी कि गणतन्त्रवादी ?

४ साउन, काठमाडौं । राप्रपा राजावादी पार्टी हो । तर उसले गणतन्त्रलाई पनि मनैदेखि स्वीकारेको छ । त्यही गणतन्त्रलाई स्वीकारेरै ऊ पटक पटक गणतान्त्रिक सरकारमा सहभागि भएको छ र फेरी पनि शेरबहादुर देउवा नेतृत्वको सरकारमा जान ठिक्क परेर बसेको छ । तर राप्रापको द्वैध चरित्र छर्लङ्गै हुन्छ जव उसले केन्द्रीय समिति बैठकबाटै पूर्वराजा ज्ञानेन्द्र शाहको वर्तमानकै हैसियत दिएर सस्थ्य लाभको कामना विशेष प्रस्ताव पारित गर्छ ।

राप्रपाले अस्वस्थ भई उपचाररत पूर्व राजा ज्ञानेन्द्र शाहको स्वास्थ्य लाभको कामना गर्दै आजदेखि काठमाडौंमा शुरु भएको केन्द्रीय समिति बैठकबाट विशेष प्रस्ताव पारित गरेको छ ।

स्वास्थ्य लाभको कामना गर्दै प्रस्ताव मात्र पारित गरेको होइन, प्रस्तावमा ज्ञानेन्द्र शाहलाई वर्तमान राजाकै हैसियत दिइएको छ । प्रस्तावमा भनिएको छ ‘अस्वस्थ भई अस्पतालमा उपचारार्थ पुर्बराजा श्री ५ ज्ञानेन्द्र बिर बिक्रम शाहको शिघ्र स्वास्थ लाभको कामना प्रस्ताव पारित गरिन्छ ।यद्धेपी मुलुकमा गणतन्त्र आइसकेपछि शाहलाई श्री ५ भनिदैन । शाहको मुटुको धमनीमा समस्या आएपछि आजै काठमाडौंको नर्भिक अस्पतालमा भर्ना भएका छन् । उनको एनजीओप्लाष्टी गरेर मुटेको अवरोध खोलिएको छ ।