सलमान र प्रभास अब एउटै फिल्ममा

३१ जेठ – बाहुबली सिरिजको सफलता पछि अभिनेता प्रभास दक्षिाण भारतका चर्चित र माग बढेका अभिनेता बनेका छन् । प्रभासलाई लिएर सिनेमा बनाउन बलिवुड निर्माता र निर्देशकहरु पनि आतुर भएका छन् । तर प्रभास भने दक्षिण भारतको काम नसकाएसम्म बलिवुडमा आउने मुडमा छैनन् ।

बलिवुड निर्देशक रोहित शेट्टी पनि आफ्नो आगामी प्रोजेक्टमा प्रभासलाई लिन चाहन्छन् । रोहितको आगामी सिनेमामा प्रभाससँगै सलमान हुने कुरा छ । तर यसका लागि भने रोहितले केही समय कुर्नु पर्ने देखिन्छ । किनकी अहिले सलमान र प्रभास दुवै जनासँग सिनेमाहरु लाईनमा छन् ।

उता प्रभास यतिबेला सिनेमा ‘साहोँ’को काममा जुटेका छन् भने यता सलमान खान ‘ट्यबुलाईट’को छायाकंन सकेर ‘टाईगर जिन्दा है’ को छायाकंनमा व्यस्त छन् । ‘टाईगर जिन्दा है’ को छायाकंन सकेसँगै सलमान होम प्रोडक्शनमा सिनेमा ‘दवंग ३’ को काममा लाग्नेछन् । यो अवस्थामा सलमान र प्रभासलाई लिएर रोहितले बनाउने सिनेमा सन् २०१९ भन्दा अगाडि आउने सम्भावना अत्यन्तै कम छ ।