वैशाख २०, काठमाडौं– स्वास्थ्य मन्त्रालयले विपन्न नागरिकलाई निःशुल्क उपचार सेवा प्रदान गर्न देशभरका ५८ वटा अस्पताललाई सूचीकृत गरेको छ। मन्त्रालयले विपन्न नागरिक औषधि उपचार कोष निर्देशिका अनुसार अस्पतालहरुको सूची तयार गरेको हो।
मन्त्रालयले १० वटा रोगको उपचारका लागि सूचीकृत गरेका अस्पतालहरुले प्रक्रिया पूरा गरेर आएका विपन्न नागरिकलाई निःशुल्क उपचार प्रदान गर्नुपर्ने हुन्छ। मन्त्रालयले क्यान्सर, मिर्गौला प्रत्यारोपण, मिर्गौला डाइलाइसिस, मुटुरोग, हेड इन्जुरी (टाउकोको चोटपटक), स्पाइनल चोटपटक, अल्जाइमर्स, पार्किन्सस, बाथ मुटुरोग र सिकलसेल एनिमिया रोग उपचारका लागि अस्पताल तोकेको हो।
तोकिएका अस्पतालमध्ये बाथ मुटुरोगको शल्यक्रियाका लागि बिरामीले सिधै अस्पतालमा पुगेर उपचार सेवा पाउन सक्छन् भने अन्य रोगहरुमा भने कागजी प्रक्रिया पूरा गर्नुपर्ने हुन्छ। निःशुल्क उपचार सेवा अन्तर्गत बाथ मुटुरोग, मिर्गौला प्रत्यारोपण र डाइलाइसिस सेवामा बिरामीले पूर्ण निःशुल्क पाउँछन् भने अन्य रोगमा भने एक लाख रुपैयाँसम्मको उपचार सेवा निःशुल्क पाउनेछन्। बिरामीले यो सहयोग रकम नेपालमा उपचार सम्भव नभएका रोगका लागि विदेश जाँदा पनि पाउनेछन्।
उपचार सहायताका लागि सबैभन्दा पहिला रोग पहिचान भएपछि डाक्टरको पुर्जी (प्रिस्किप्सन) लगेर गाउँपालिका वा नगरपालिकाबाट विपन्न नागरिक सिफारिसपत्र लिनुपर्छ। सो पत्रका लागि जिल्ला स्वास्थ्य कार्यालय वा जिल्ला जनस्वास्थ्य कार्यालयबाट सिफारिस पत्र लिएर उसले तोकेको अस्पतालबाट उपचार सहायता प्राप्त गर्न सकिन्छ। उपचार आफ्नो घरपायक पर्ने अस्पताल रोजेर गर्न सकिनेछ।
बिहीबार, मंसिर १८, काठमाडौँ । जेनजी प्रदर्शनका क्रममा ‘आपराधिक गतिविधि’मा संलग्न भनिएका व्यक्तिहरूका मुद्दा फिर्ता
मंसिर १७, काठमाडौँ — उज्यालो नेपाल पार्टीकी केन्द्रीय सदस्य रीमा विश्वकर्माले निष्ठा, इमान्दारिता र परिवर्तनमुखी
मङ्सिर १६, मंगलबार । राष्ट्रिय ज्येष्ठ नागरिक महासङ्घले सामाजिक सुरक्षा भत्ता वृद्धि सहित ज्येष्ठ नागरिकमैत्री
१५ मंसिर २०८२, सोमबारनेपालमा सरकारी सेवा लिन चाहने जनसाधारणको अनुभव झनै निराशाजनक बन्दै गएको छ।
काठमाडौँ, मङ्सिर १४ गते । नेपाल विद्युत प्राधिकरणको अगुवाइमा सङ्खुवासभाको भोटखोला गाउँपालिकामा निर्माण हुने एक हजार
काठमाडौँ, मङ्सिर ११ । नेपाल राष्ट्र बैंकले एक सय रुपियाँ दरको नयाँ बैंक नोट आजदेखि
