जेठ १३, काठमाडौं – दश महिनायता सत्तासाझेदारी गरिरहेका प्रमुख दुई दल कांग्रेस–माओवादी केन्द्र बहुमतीय सरकार गठनको तयारीमा छन्। राष्ट्रपति विद्यादेवी भण्डारीले सहमतीय सरकार गठनका लागि बिहीबार सात दिनको समय दिए पनि उनीहरू बहुमतीय प्रक्रियाबाटै नयाँ सरकार गठनको तयारीमा लागेका हुन् । आजको नयाँ पत्रिकामा यो खबर छ ।
प्रमुख प्रतिपक्षी एमालेले भने सहमतीय सरकारका लागि आफूहरू खुला रहेको बताएको छ। एमाले अध्यक्ष केपी ओलीले आफूहरू नया“ सरकारको नेतृत्वको दौडमा नरहेको भन्दै संक्रमणकाल टुंगो लगाउन, संविधानको कार्यान्वयन गर्न र मेलमिलापको राजनीति अगाडि बढाउन पनि सहमतीय सरकार आवश्यक रहेको बताएका छन् ।
‘हामी अहिले नयाँ सरकार गठनको दौडधुपमा छैनौँ। सहमतिको सरकार होस्, सहमतिका साथ अगाडि जाऔँ, मेलमिलापका साथ मिलेर जाऔँ, संक्रमणकाल टुंग्याउने दिशामा जाऔँ, संविधानसम्मत ढंगले अगाडि बढौँ भन्नेमा छौँ,’ शुक्रबार संसद् भवनबाट बाहिरिने क्रममा ओलीले सञ्चारकर्मीस“ग भने, ‘राष्ट्रपतिले सहमतिको सरकार गठनकै लागि समय दिनुभएको हो। एमाले सहमतिको सरकारका लागि खुला छ।’
एमालेले खोजेको सहमतीय सरकार कस्तो ?
कांग्रेस र माओवादी केन्द्र प्रमुख दलका नेताहरूमध्ये जसको नाममा सहमति जुट्छ, उसैलाई राष्ट्रिय सहमतिको सरकारको प्रधानमन्त्रीको उम्मेदवार बनाउन सहमत हुनुपर्ने एमालेको सर्त छ ।
‘हामी त संविधान जारी हुनु पहिल्यैदेखि संविधान कार्यान्वयनको प्रारम्भ भएर एक चरणको निर्वाचन सम्पन्न नभएसम्म प्रमुख तीन दलसहितको सहमतिकै सरकारका पक्षमा थियौँ, तर कांग्रेसका सभापति शेरबहादुर देउवाले प्रमुख पार्टीहरू एक ठाउँमा बस्न नहुने, एउटा प्रमुख पार्टी प्रतिपक्षमा बस्नैपर्ने सिद्धान्त ल्याउँदा १६ बुँदे सहमति भाँडिएको हो,’ एमाले महासचिव ईश्वर पोखरेलले भने, ‘त्यसैले हिजो भाग लगाइएको छ भन्ने आधारमा होइन, आजको आवश्यकताका आधारमा छलफलमा व्यक्तिका नाम आउँदा आग्रह–पूर्वाग्रहबाट मुक्त भएर प्रमुख पार्टीमध्ये धेरैले जसको नाममा सहमति जनाउँछन्, उही व्यक्ति प्रधानमन्त्रीको उम्मेदवार बनाउन सबै तयार हुनुपर्छ भन्ने हाम्रो भनाइ हो।’
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने