‘कटप्पाले किन बाहुबलीको हत्या गर्यो ?’ यहि जिज्ञासा मेट्न आउँदो सुक्रबार फिल्म ‘बाहुबली द कन्क्ल्युजन’ सार्वजनिक हुँदैछ । फिल्ममा अनौठा-अनौठा चरित्र छन् । हरेकको उत्तिकै जोडदार उपस्थिती छ । यस्तो लाग्छ, एकजना पात्र मात्र त्यहाँबाट हटाइने हो भने फिल्म यति कसिलो र रसिलो हुँदैन । यसरी आफ्नो चरित्रलाई जीवन्त तुल्याउने पात्रहरुको सक्कली अनुहार चाहि कस्तो छ ?
प्रभास-बाहुबली
फिल्म बाहुबलीका केन्दि्रय भूमिकामा छन्, प्रभास । उनको पुरा नाम, प्रभास राजु उप्पलपाटि । बाहुबली द विगिनिङमा प्रभासले फिल्मको पुरा बजेटको १० प्रतिशत अर्थात भारु २४ करोड रुपैयाँ पारिश्रमिक पाएका थिए । त्यसमध्ये उनको शरीर बनाउनका लागि मत्र डेढ करोड खर्चिएको थियो । फिल्ममा उनलाई प्रभावशाली, बलिष्ठ, बुद्धिमान, सत्यबादी र पुरुषार्थी पात्रको रुपमा चित्रण गरिएको छ ।
सत्यराज-कटप्पा
बाहुबलीका रहस्यमयी पात्र कटप्पाको भूमिका अभिनेता सत्यसराजले निभाएका हुन् । फिल्ममा कटप्पा एउटा बफदार रक्षक हुन् । तर, जसले उनीप्रति औधी भरोसा गरेका हुन्छन्, उसैको हत्या गर्न पुग्छन् । किन ? सायद यसको जबाफ आगमी साता मिल्नेछ ।
सत्यराजलाई कटप्पाको रुपमा वास्तवमै बफदार र युद्ध कौशलमा निपूर्ण पात्रको रुपमा देखाइएको छ । कटप्पाको भूमिकामा जमेका सत्यराज दक्षिण भारतिय फिल्म उद्योगका चल्तीका अभिनेता तथा मीडियाकर्मी हुन् ।
प्रभाकर-कालकेय
फिल्ममा डरलाग्दो, निख्खर कालो पात्र छन्, कालकेय । यिनको आफ्नै अनौठो भाषा छ । ठूलो संख्यामा सेना छन् । कालकेयसँगको द्वन्द्वले नै बाहुबलीलाई रोचक बनाएको छ । अतः कालकेयको भूमिकालाई जिवन्त तुल्याउने कलाकार हुन्, प्रभाकर ।
नास्सर- बिज्जलदेव
बाहुबलीका बिज्जलदेवको भूमिकामा छन्, नास्सर । फिल्मको नेगेटिभ रोलमा उनी निकै जमेका छन् । उनी आफै फिल्म निर्माता, निर्देशक पनि हुन् ।
अनुष्का- देवसेना
अभिनेत्री अनुष्का शेट्टीले बाहुबलीमा देवसेनाको भूमिका निर्वाह गरेकी छिन् । उनले द रियल डन, डन नम्बर वान, शिवा द सुपर हिरो -२ जस्ता फिल्ममा अभिनय गरेकी छिन् ।
राणा दग्गुबाती- भल्लालदेव
फिल्म बाहुबलीमा भल्लालदेवका भूमिका निर्वाह गरेका छन्, राणा दग्गुबातीले । उनले तेलुगू फिल्मबाट डेब्यु गरेका हुन्, त्यसपछि उनी केहि हिन्दी फिल्ममा देखिएका थिए ।
राम्या कृष्णन-शिवगामी
फिल्ममा शिवगामीको भूमिकामा राम्या कृष्णन देखिएकी छिन् । १३ बर्षकै उमेरदेखि अभिनयमा लागेकी उनले हिन्दीका साथै तेलुगू, तमिल, मलयामलम, कन्नड भाषाको फिल्ममा अभिनय गरेकी छिन् ।
भदौ २१, काठमाडौँ। नेपाल दूरसञ्चार प्राधिकरणले टिकटकमा लगाएको सबै प्रतिबन्ध हटाएको छ। शुक्रबार सूचना सार्वजनिक गर्दै
पुस २५,काठमाडौं। प्रतिनिधिसभाको कृषि, सहकारी तथा प्राकृतिक स्रोत समिति सभापति डा. आरजु राणा देउवाले बाँझो
काठमाडौं, कात्तिक ९ गते । विश्वमा अचेल सबै उमेर समूहमा टाटु लोकप्रिय भएको छ । विकसित
हाङझाउ, असोज १४ गते । नेपाल १९औं एसियाली खेलकुद (एसियाड)को पुरुष क्रिकेटतर्फ क्वार्टरफाइनलमा प्रवेश गरेको छ ।
काठमाडौँ, भदौ २१ गते । क्रिकेटर सन्दीप लामिछानेविरुद्धको मुद्दाको पेसी आजका लागि तोकिएको छ । लामिछानेविरुद्धको
भदौ ११, काठमाडौं। क्रिकेटर सन्दीप लामिछाने एसिया कप क्रिकेट खेल्नका लागि आज पाकिस्तानमा प्रस्थान गर्नुभएको
