‘पालुङटारमा नयाँ शक्तिलाई हार्न छुट छैन’ – संयोजक देबकोटा

गोरखा, चैत २५ – स्थानिय निकायको निर्वाचनको मिति नजिकिँदै गर्दा गोरखामा पनि यसको सरगर्मी बढ्न थालेको छ । जिल्लामा कृयाशिल राजनीति दलहरु नेपाली काङ्ग्रेस, माओवादी केन्द्र, एमाले र नयाँ शक्ति पार्टी नेपालले यतिबेला चुनावी माहोललाई निकै तताएका छ ।

स्थानिय स्तरका नेताहरु यहि मौका छोपि गाउँ÷टोल प्रवेश गर्न थलिसकेका छन् । अरु बेला जनताले गरेको नमस्कार फर्काउने फुर्सद नभएका उनीहरु यतिबेला भने जनतासँग हात जोडेर मत माग्दै हिँडेको हेर्न पनि कम्ता रमाइलो छैन । गोरखामा नयाँ स्थानिय तह संरचना अनुसार २ वटा नगरपालिका र ९ वटा गाउँपालिका छन् ।केहि समय अगाडि स्थापना भएको दल नयाँ शक्तिले पनि अन्य दलसँगै गोरखामा आफ्नो चुनावी माहोल र प्रचार प्रशार राम्रो बनाउँदै लगेको छ ।

खास गरी पालुङटार नगरपालिकालाई नयाँ शक्तिले आफ्नो बिजय किल्लाकै रुपमा विश्लेषण गरेको छ । नयाँ शक्तिका पालुङटार नगर संयोजक अशोक देबकोटाले पालुङटारमा नयाँ शक्तिको जित सुनिश्चि भएको बताए । देबकोटाले आफूहरुले नगरलाई पाँच वर्ष भित्र देशकै नमुना नगरपालिका बनाउने उदेश्यकासाथ काम थालेको पनि बताए ।

नयाँ शक्तिले यतिबेला पलुङटारमा घरदैलो अभिआनलाई तिब्रता दिएको संयोजक अशोक देबकोटाको भनाइ छ । उनले भने,‘यहि नगरपालिकामा डा.बाबुराम भट्टराईको मतदाता नामावलिसमेत भएको हुनाले हामीलाई हार्न छुट छैन ।’
उनका अनुसार यतिबेला गाउँका युवाहरुले वैदेशिक रोजगारीमा गएका स्थानिय मतदाहरुलाई आफ्नो मत अधिकार सदुपयोग गर्न र स्वदेशमै फर्किएर स्वरोजगार गर्नतर्फ आग्रह गर्न थालेका छन् । विदेशिएका नेपालीहरुलाई स्वदेश फर्काउन समाजिक सञ्जालमार्फत आग्रह गरिएको पनि देवकोटाले बताए ।
ऋजबत ऋयलखभचकबतष्यल भ्लम