चैत ६, २०७३ काठमाडौं : मोबाइलमा कसैलाई कल गर्दा पाँच सेकेण्ड मात्र कुरा गर्नुभयो भने त्यही समयको मात्र पैसा तिर्न पाउनुहुन्छरु पक्कै पाउनुहुन्न, किनकी मोबाइल कम्पनीले एक सेकेण्ड बोले पनि त्यसलाई २० सेकेण्ड मानेर रकम असुलिरहेका छन्। तर, अबको सात महिनापछि तपाईले एक सेकेन्ड कुराकानी गरे त्यसकै मात्र रकम तिर्न पाउनु हुनेछ।
सरकारले आगामी कात्तिक १ गतेदेखि मोबाइल कम्पनीले अनिवार्य रूपमा एक सेकेण्डलाई आधार मानि जति बेर कल भयो त्यत्ति नै समयको मात्र महसुल लिन पाइने निर्णय गरेकाले उपभोक्ताले यो सुविधा पाउने भएका हुन्। प्राविधिक भाषामा निश्चित समयको अन्तराललाई मिनेट वा सेकेण्ड जस्तो मानी गणना गर्ने विधिलाई ‘पल्स’ भनिन्छ।
छिमेकी मुलुक भारत सहित अन्य मुलुकका मोबाइल सेवाप्रदायकले एक सेकेण्डको पल्स दर बनाएकाले जति सेकेन्ड कुराकानी गर्यो त्यत्ति नै सेकेण्डको मात्र महसुल तिरिहरका छन्। नेपालमा भने लामो समयदेखि पल्सको दर घटाई एक सेकेण्ड बनाउनु पर्ने आवज उठेपनि प्राधिकरणले चासो दिएको थिएन।
शुक्रबार भने प्राधिकरणले सबै सेवा प्रदायकलाई पल्सको दर घटाउन पत्राचार गरेको छ। ‘हामीले दुई चरणमा गरेर पल्सको दर घटाई उपभोक्तालाई सहुलियत दिन पत्राचार गरेका छौु, प्राधिकरणका प्रवक्ता मीनप्रसाद अर्यालले भने, ‘सबैले निर्देशन कार्यान्वयन गर्नुपर्छ नगर्नेलाई कारबाही हुन्छ।’ प्राधिकरणले सेवाप्रदायकलाई दुई चरणमा पल्सको दर घटाउन पत्राचार गरेको हो। पहिलो चरणमा आगामी वैशाख १ गतेदेखि मोबाइलको आन्तरिक कलमा पल्सको दर हालको २० सेकेण्डलाई घटाई १० सेकेण्ड बनाउन निर्देशन दिइएको छ।
१० सेकेण्ड पल्स दर हुदा अब ११ सेकेण्ड कुरा गरेपनि २० सेकेण्डको रकम तिर्नुपर्ने हुन्छ। यसले अहिले कायम रहेको भन्दा उपभोक्तालाई केही राहत दिएपनि सेवाप्रदायकले कुराकानी नभएको समयमा समेत रकम असुल्ने अवस्था भने रहन्छ। दोस्रो चरणमा भने यसलाई एक सेकेण्डमा झारिने भएकाले उपभोक्ताले जति कुरा गर्यो त्यत्तिकै रकम तिर्न पाउनेछन् ।
मोबाइलबाट हुने आन्तरिक कलमा एक सेकेण्डको पल्स लागू भएपनि अन्य सेवा र अन्तर्राष्ट्रिय कलमा भने पल्सको दर बढी नै रहनेछ। प्राधिकरणको गत माघ अन्तिम साता बसेको सञ्चालक समितिको बैठकले पल्सको दर घटाउने निर्णय गरे अनुसार शुक्रबार सेवा प्रदायकलाई पत्राचार गरिएको अर्यालले जानकारी दिए। प्राधिकरणले गरेको पत्राचारमा आगामी वैशाख १ गतेदेखि ल्याण्डलाइन ९पीएसटीएन० फोनको पल्स दरलाई ६० सेकेण्ड बनाउनु पर्ने उल्लेख छ।
नेपाल टेलिकमको मात्र यस्तो सेवा रहेकाले उसैलाई पत्राचार गरिएको हो। हाल टेलिकमले १ सय २० सेकेन्डको एक पल्स मानेर महसुल उठाइरहेको छ। यसैगरी मोबाइलको आन्तरिक कलमा भने १० सेकेण्डको र अन्तर्राष्ट्रिय कलमा भने ३० सेकेण्डको पल्स बनाउन निर्देशन दिएको छ। त्यसको ६ महिनापछि भने उनीहरुले यो दरलाई घटाउनु पर्नेछ। कात्तिक १ गतेदेखि भने मोबाइलमा १ सेकेन्ड र अन्तर्राष्ट्रिय कलमा १० सेकेण्डलाई एक पल्स बनाउनु पर्ने पत्रमा उल्लेख छ।
हाल मोबाइलमा २० सेकेन्ड र अन्तर्राष्ट्रियमा ६ देखि ६० सेकेण्डसम्मलाई सेवाप्रदायकले एक पल्स मानिरहेका छन्। अन्तर्राष्ट्रिय कलमा ‘एक्सेस कोड’लगायतका सुविधा हुने भएकाले सेवाप्रदायकअनुसार ‘पल्स’ फरक परेको हो।
पेरिस, पुस १२ गते । सानो र गरिब मायोटदेखि तेल–धनी महाशक्ति साउदी अरबसम्म र समृद्ध युरोपेली
मङ्सिर २६, काठमाडौं। प्रधानमन्त्री केपी शर्मा ओलीसमक्ष राष्ट्रिय सूचना आयोगका नवनियुक्त प्रमुख आयुक्त डा. सुरेशप्रसाद आचार्यले
कार्तिक २६, काठमाडौं । नेपालको सबैभन्दा ठुलो इन्टरनेट सेवा प्रदायक वर्ल्डलिंक कम्युनिकेशनले हालै एक महत्वपूर्ण सामाजिक
पोषणविद् डा. अरुणा उप्रेती । तस्बिर : रासस कात्तिक १४,काठमाडौँ। नेपालीले सांस्कृतिक पर्व तिहार ढोकामा
नागरिक लगानी कोषका कार्यकारी निर्देशक पर्वतकुमार कार्की । काठमाडौँ, असोज ९ गते । वित्तीय क्षेत्रमा लामो
काठमाडौँ, असोज ९ गते । साल्ट ट्रेडिङ कर्पोरेशन लिमिटेडको सहकार्यमा जुत्ता उत्पादक सङ्घ नेपालले उपत्यकाका
