साउन ८, काठमाडौं– नेपाल कम्युनिष्ट पार्टी (मसाल)का महामन्त्री मोहनविक्रम सिंहले भारतका कट्टर हिन्दूवादी शासक वर्ग र नेपालका कट्टर हिन्दूवादी तथा राजावादीको गठबन्धनमा गणतन्त्र र धर्म निरपेक्षता सिध्याउने खेल भइरहेको बताएका छन् । मसालको हालै सम्पन्न पाँचौ भेलामा महामन्त्री सिंहले प्रस्तुत गरेको प्रतिवेदनमा नेपाललाई हिन्दूराष्ट्र बनाउन र राजतन्त्रको पुनस्र्थापना गर्न योजनावद्ध ढंगले प्रयत्न भइरहेको बताएका हुन् । यही २०७४ श्रावण ४ र ५ गते सम्पन्न भेलाले स्थानीय निर्वाचनको मूल्याङ्कनसम्बन्धी प्रस्ताव तथा अक्टोबर क्रान्तिको शतवार्षिकी कार्यक्रम र सङ्गठनात्मक सुदृढीकरणको प्रस्ताव समेत पारित गरेको छ । भेलाले पार्टीका विभिन्न सङ्गठनात्मक कार्यहरू र आगामी कार्यक्रमसम्बन्धी महत्वपूर्ण निर्णयहरू गरेको महामन्त्री सिंहले जनाएका छन् । भेलाको सिलसिलामा केन्द्रीय समिति र पी.वी.का बैठकहरू श्रावण ७ गतेसम्म चलेका थिए ।
भेलामा महामन्त्री सिंहले केन्द्रीय समितिका तर्फबाट स्थानीय निर्वाचन मूल्याङ्कनसम्बन्धी र अक्टोबर क्रान्तिको शतवार्षिकी र सङ्गठनात्मक सुदृढीकरणसम्बन्धी प्रस्तावहरू प्रस्तुत गरेका थिए । दुवै प्रस्तावहरूमा दुई दिनसम्म प्रतिनिधि, पर्यवेक्षकहरूले जनवादी तरिकाले विस्तृत रूपले आफ्ना विचारहरू राखेका थिए । दुवै प्रस्तावहरूबारे महामन्त्रीले स्पष्टिकरण दिएपछि सर्वसम्मतिले पारित भएका थिए ।
सिंहले प्रस्तुत गरेको स्थानीय निर्वाचनको मूल्याङ्कनसम्बन्धी प्रस्तावमा देशको स्थिति अत्यन्त गम्भीर र सङ्कटको मुखमा उभिएको उल्लेख छ । ‘वर्तमान माओवादी केन्द्र र नेकाको गठबन्धन सरकार भारतीय विस्तारवादको ग्राण्डडिजाइन अनुसार नेपालमा (भारतीय विस्तारवादीको) उद्देश्य पूरा गर्न नै बनेको छ ।’
सिंहले आफ्नो प्रतिवेदनमा भनेका छन् । त्यस्तै तत्काल आफ्नो विस्तारवादी उद्देश्य पूरा गर्नका लागि मार्ग प्रसस्त गर्न भारतले संविधानमा संशोधनका लागि नै मुख्य जोड दिएको र भारतीय योजनामै सरकारले प्रारम्भदेखि नै संविधानमा संशोधन पारित गराउन योजनावद्ध प्रकारले काम गर्दै आएको जनाएका छन् । त्यसैगरी स्थानीय निर्वाचनको मिति बारम्बार सार्ने र ३ चरणमा गर्ने सरकारको काम भारतीय शासक वर्गको दवावमा भएको मसालको ठहर छ।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने