प्रधानमन्त्रीले माओवादीका मन्त्री हटाउनु हुन्न : डा. महत

 नेपाली कांग्रेसका नेता एवम् पूर्व मन्त्री डा. रामशरण महतले तत्काल नेकपा माओवादी केन्द्रका मन्त्रीहरुलाई बर्खास्त गर्न नहुने स्पष्ट पारेका छन् । 

शुक्रबार काठमाडौमा भएको कार्यक्रममा नेता महतले मुलुक अहिले चुनावको मुखमा भएकोले यस्तो बेला सरकार फेरबदल र मन्त्रीहरु हटाउने वा थप्ने काम गर्न नहुने बताएका हुन् । महतले भने,‘चुनावको मिति घोषणा भैसकेको छ, अहिले सरकार तलमाथि गर्नहुन्न, यसले अस्थिरता निम्तिन्छ ।’ उनले भने,‘सत्तारुढ दल नेकपा माओवादी केन्द्रले यसरी विपक्षी दलसँग चुनावी तालमेल र वाम गठबनधन बनाउने निर्णय गरेपछि मन्त्रीहरु हटाउनुपर्ने विषयमा आवाज उठेको छ, तर कांग्रेसले अहिले मन्त्रीहरुलाई बर्खास्त गर्नेबारे छलफल नै गरेको छैन, कुनै निर्णय भएको छैन, हामीले अहिले त्यतातिर ध्यान पनि दिएका छैनौं, यदित्यसो गरियो भने झनै जटिल समस्या आउँछ, चुनावलाई असर पर्छ ।’
उनले मन्त्रीहरु हटाउने वा नहटाउने भन्नेबारे प्रधानमन्त्रीले निर्णय गर्ने कुरा भएको समेत बताए । नेता महतले एमाले–माओवादी केन्दवीच भएको पछिल्लो चुनावी तालमेल र वाम एकताको प्रयास अस्वभाविक, अनैतिक र अप्राकृतिकभएको पनि बताए । 
उनले भने,‘यो गठबन्धन छद्यम भेषमाआएको छ, गोप्य रुपमाआएको छ, दुई पार्टीहरुवीचको तालमेल नै विवादस्पद छ ।’ एमाले संविधान संशोधनको नाम नै सुन्ननचाहने र माओवादी केन्द्र जसरी पनि संशोधनगर्नुपर्छ भन्ने शक्ति भएकोले यी दुई दलमा यसबारेमा पनि विवाद भएको महतको भनाई छ ।