३० असार, काठमाडौं । भारतीय टेलिभिजन प्रशारकहरुले नेपालमा क्लीन फीड लागू भए ईण्डियन टेलिभिजन बन्द हुन सक्ने चेतावनी दिएका छन् ।
भारतीय टेलिभिजन प्रशारकहरुको साझा संस्था ईण्डियन ब्रोडकाष्टिङ फाउण्डेशन (आईबीएफ) का महासचिव गिरिस श्रीवास्तवले नेपालमा क्लीन फीड लागू भए भारतीय च्यानलको प्रशारण रोकिन सक्ने संकेत गरेका छन् ।
नेपालमा आइतबारदेखि क्लीन फीड लागू हुँदैछ ।
तर, नेपाली टेलिभिजन वितरकले पनि विदेशी च्यानललाई विज्ञापनरहित बनाएर तत्काल प्रशारण गर्नसक्ने अवस्था नहरेको बताइरहेका छन् । उनीहरुले नीति फिर्ता नभए साउन १ गतेदेखि टेलिभिजनहरु बन्द गर्ने चेतावनी दिइरहेका छन् ।
भारतीय टेलिभिजन प्रशारक संघले पनि नेपालमा लागू हुने क्लीन फीडले भारतीय टेलिभिजन बन्द हुन सक्ने संकेत दिएको छ । ‘नेपालमा क्लीन फीड लाग्दैछ । त्यसले भारतीय टेलिभिजन नेपालमा नियमित रुपमा प्रशारण भइराख्छ भन्ने अवस्था रहेन’ महासचिव श्रीवास्तवले भनेका छन् ।
बेष्टमिडिया इन्फोसँग कुराकानी गर्दै श्रीवास्तवले नेपालको क्लीन फीड नीतिलाई आईबीएफले चासोका साथ हेरेको भन्दै तत्काल यसलाई कार्यान्वनयमा नलैजान नेपाल सरकारलाई सुझाव दिएको उल्लेख गरे ।
उनले प्रशारण रोकिएमा नेपालमा अधिक मात्रामा डीटीएचको पाइरेसी हुन सक्ने बताए ।
यसअघि पनि आईबीएफले नेपालमा क्लीन फीड लागू नगर्न विज्ञप्तिमार्फत नै सुझाव दिएको थियो । सरकारले भने साउन १ देखि क्लीन फीड लागू गर्न तयारी भइरहेको बताएको छ ।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने