कोरोना नियन्त्रण तथा रोकथाम उच्चस्तरीय समन्वय समितिले नयाँ मोडालिटीमा लकडाउनलाई निरन्तरता दिनुपर्ने निष्कर्ष निकालेको छ । तत्कालै लकडाउन खुकुलो बनाउने परिस्थिति नरहेको निष्कर्षसहित नयाँ मोडालिटीमा लकडाउनलाई अगाडि बढाउने समितिले निष्कर्ष निकालेको हो ।
देशका विभिन्न भागमा कोरोना संक्रमण देखिएको, सबै क्षेत्रमा परीक्षण भइनसकेकाले देश कोरोना संक्रमणको खतराबाट मुक्त नभएको शनिबार सिंहदरबारमा सम्पन्न समितिको बैठकले निष्कर्ष निकालेको छ ।
वैशाख १५ गते लकडाउनको अवधि सकिने भएकोले आइतबार बस्ने मन्त्रिपरिषद् बैठकले यसबारे ठोस निष्कर्ष लिने बैठकमा सहभागी एक सदस्यले जानकारी दिए ।
उनले भने, ‘केही जिल्लामा खासगरी हिमाली क्षेत्रमा सुरक्षाकर्मी र स्वास्थ्यकर्मीसँग सल्लाह गरी ती जिल्लाका लागिमात्रै केही निर्णय गर्न सकिन्छ कि भन्ने पनि कुरा भएको छ ।’
शुक्रबारको मन्त्रिपरिषद्मा प्रधानमन्त्री केपी शर्मा ओलीले लकडाउनबारे छलफल गरेर सिफारिस गर्न उच्चस्तरीय समितिलाई निर्देशन दिएका थिए । समितिको बैठकमा परिवर्तित सन्दर्भमा लकडाउनको नयाँ मोडेलको बारेमा पनि छलफल भएको उनले जानकारी दिए । नयाँ मोडालिटी तयार पार्ने जिम्मा मुख्यसचिवको नेतृत्वमा रहेको सचिवहरु सम्मिलित कार्यदललाई जिम्मा दिइएको र सोही समितिको सिफारिसको आधारमा मन्त्रिपरिषदले निर्णय लिने बताइएको छ ।
उच्चस्तरीय समन्वय समितिले कोरोना भाइरस (कोभिड-१९) नियन्त्रणमा सरकारी प्रयास सही ट्र्याकमा रहेको निष्कर्ष निकालेको छ ।
लकडाउनकै कारण संक्रमण फैलिन नपाएको भन्दै यसलाई निरन्तरता दिनुपर्ने समितिको राय छ । यसबारे औपचारिक निर्णय भने मन्त्रिपरिषद्ले गर्ने समिति संयोजक ईश्वर पोखरेलले जानकारी दिए ।
बैठकमा लकडाउनकै कारण कोरोना नियन्त्रणमा लिन सफल भएको निष्कर्ष समितिले निकालेको छ ।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने