काठमाडौं, २७ फागुन – चार लाख घूस लिँदालिँदै काठमाडौं जिल्ला विकास समितिका नायव सुब्बा (नासु) लाई अख्तियार दुरुपयोग अनुसन्धान आयोगले पक्राउ गरेको छ ।
शुक्रवार अख्तियार दुरुपयोग अनुसन्धान आयोगको टोलीले जिविसका नासु गोवर्धन खड्कालाई घूस रकमसहित नियन्त्रणमा लिएको हो ।
खड्कामाथि अध्याय ट्रेड एण्ड सप्लायर्स, जोरपाटीका कर्मचारीसँग बालुवा गिटीको कर उठाउने क्रममा प्रयोग गरिने विलको प्याड नमिलेको र सो मिलाउन स्थानीय विकास अधिकारी र योजना अधिकृतलाई मासिक एक लाख रुपैयाँ वा एकमुष्ट पाँच लाख रुपैयाँ दिनुपर्छ भनी दुःख दिएको उजुरी परेको थियो ।
त्यस्तै, उनीमाथि अन्य काममा समेत आलटाल, ढिलासुस्ती गरेको लगायतका उजुरी थियो ।
उजुरीका आधारमा शुक्रवार आयोगको कार्यालयबाट खटिएको टोलीले नासु खड्कालाई सेवाग्राहीबाट चार लाख घुस लिंदै गरेको अवस्थामा निजकै कार्यकक्षबाट घुस रकम सहित नियन्त्रणमा लिएको हो । उनीमाथि थप अनुसन्धान भईरहेको आयोगले जनाएको
