१८ भदौ, काठमाडौ । प्रधानमन्त्री पुष्पकमल दाहालले सिस्टम भन्दा दायाँ बायाँ गर्ने मन्त्रीहरुलाई बर्खास्त गर्ने चेतावनी दिएका छन् । प्रशासन र राजनीतिबीचको अन्तरसम्वन्ध विषयक मन्त्री र सचिवहरुको अन्तरक्रियामा प्रधानमन्त्रीले भनेः‘सरकार गठन गर्दै गर्दा मैले सत्तारुढ दलका नेताहरुसँग सहमति गरेको छु, मन्त्रीहरु प्रधानमन्त्रीप्रति जवाफदेही हुनुपर्छ, सिस्टमभन्दा दायाँ बाँया गर्नु भयो भने जो कोहीलाई बर्खास्त गर्छु ।अब पनि सिस्टमभित्र बसिएन भने ढिला हुन्छ । सिस्टममा बसौं ।’ उनले सचिवहरु पनि मुख्यसचिवप्रति जवाफदेही हुनुपर्ने भन्दैे दायरा बाहिर नजान चेतावनी दिए ।‘यहाँ मन्त्री र सचिव मिलेपछि जे गर्न पनि सकिन्छ भन्ने रहेछ, अब त्यस्तो हुन दिन्न ।
सचिवहरुले मुख्य सचिवलाई नटरेको हो कि जस्तो लागेको छ , हो भने सुध्रनुस्, नत्र कदम चाल्छु ।’ प्रधानमन्त्रीको चेतावनी दिए । उनले जनताले राहत महसुस गर्नेगरी काम गर्न समेत निर्देशन दिएका छन् । जनताले ससाना काममा परिणाम खोजिरहेको भन्दै प्रधानमन्त्री प्रचण्डले मन्त्री, सचिव, कर्मचारी मिलेर काम गर्नुपर्नेमा जोड दिए ।
