May 14, 2017

श्रीलंकाको क्यान्डी पुगिन् राष्ट्रपति भण्डारी

श्रीलङ्काको औपचारिक भ्रमणमा रहेही राष्ट्रपति विद्यादेवी भण्डारी भ्रमणको तेस्रो दिन आइतबार श्रीलङ्काको दोस्रो ठूलो सहर क्यान्डी पुगेकी छन् ।

 कोलम्बोबाट सिधै राष्ट्रपति भण्डारी श्रीलङ्काको कोलम्बो हेलिप्याडबाट श्रीलङ्काली वायुसेनाको हेलिकप्टरबाट क्यान्डीमा अपराह्न आइपुगेकी हुन् ।

राष्ट्रपति भण्डारीलाई त्यहाँको श्रीलङ्का केन्द्रीय प्रान्तका मुख्यमन्त्री सरथ एकनायके तथा केन्द्रीय प्रान्तका गभर्नर निलुका एकनायके लगायतका श्रीलङ्का सरकारका उच्च पदाधिकारीले असगिरीया पुलिस कम्पाउन्ड, क्यान्डीमा स्वागत गरेका थिए । त्यहाँबाट उनी आफूलाई आतिथ्य प्रदान गरिएको माहावली रिच होटलमा गइन् ।

त्यसपछि राष्ट्रपति भण्डारीले क्यान्डीमा रहेको बुद्धको दाँतको अस्थीधातुको दर्शन गर्नका साथै त्यहाँ राखिएको पुस्तिकामा हस्ताक्षर गरिन् । राष्ट्रपति भण्डारी बुद्धको दाँतको अस्थीधातुको दर्शन गर्न पुग्दा श्रीलङ्काका न्याय तथा वुद्ध शासनमन्त्री डा विजेयदासा राजपाक्षेलगायत स्थानीय तथा सम्बन्धित क्षेत्रको व्यवस्थापनले भव्य स्वागत तथा सम्मान गरेका थिए ।

सो अवसरमा राष्ट्रपति भण्डारीलाई मुख्य गुरुले उपहार प्रदान गरे । भ्रमणपछि राष्ट्रपति भण्डारी आइतबार साँझ बुद्धजयन्तीका अवसरमा श्रीलङ्काले मनाउन लागेको संयुक्त राष्ट्रसङ्घीय वैशाख सम्मेलनको समापन समारोहमा प्रमुख अतिथिका रुपमा सहभागी हुनेछिन् ।

वैशाख २९ गते श्रीलङ्काको राजधानी कोलम्बोमा सुरु भएको सो तीनदिने सम्मेलनको समापन श्रीलङ्काको दोस्रो ठूलो शहर क्यान्डीमा हुनेछ ।

सन् २००० देखि राष्ट्र सङ्घले बुद्ध जयन्तीलाई राष्ट्रसङ्घीय दिवसका रुपमा मनाउन सुरु गरेको हो । सो दिनलाई थाइल्यान्ड, श्रीलङ्का, म्यान्मालगायतले वैशाख दिवसका रुपमा मनाउँदै आएका छन् । श्रीलङ्काले तीन दिनसम्म यस सम्बन्धी विशेष सम्मेलन आयोजना गरेको छ ।

सो अवसरमा राष्ट्रपतिको भ्रमणदलमा रहेका सामान्य प्रशासन मन्त्री केशवकुमार बुढाथोकी, राष्ट्रपति कार्यालयका वैदेशिक मामिला विज्ञ डा मदनकुमार भट्टराई र सचिव भूपेन्द्रप्रसाद पौडेल तथा परराष्ट्र मन्त्रालयका पदाधिकारीहरुको उपस्थिति थियो । रासस

 

प्रतिक्रिया दिनुहोस्
सम्बन्धित वर्गका समाचारहरू

गठबन्धनको अस्थिर सरकार बनेमा नेपाली श्रम बजारमा झन ठूलो असर पर्छ : अध्यक्ष श्रेष्ठ

१७ मंसिर,काठमाडौं । नेकपा (एमाले) पोलिटब्युरो सदस्य एवं नेपाल ट्रेड युनियन महासंघ (जिफन्ट) का अध्यक्ष

भिभोद्वारा नेपालमा आफ्नो पाचौं वार्षिकोत्सव मनाउन सबैभन्दा ठूलो सेल्स कार्निभल आयोजना

१६ मंसिर,काठमाडौं । भिभो, एक विश्वव्यापी अग्रणी स्मार्टफोन ब्रान्डले आज नेपालमा आफ्नो ५ वर्ष पूरा

सुकुम्बासीहरुलाई तत्काल नहटाउन राष्ट्रिय भुमी आयोगको आग्रह

१६ मंसिर,काठमाडौं । राष्ट्रिय भुमी आयोगले राजधानी काठमाडौंलगायतका ठाउँहरुमा रहेका सुकुम्बासीहरुलाई अहिले नहटाउन आग्रह गरेको

नेस्वहोमयु को ४२ औं वार्षिक उत्सव:श्रमजीवीहरुलाई एकतावद्ध आन्दोलनमा सरिक हुन अध्यक्ष श्रेष्ठको आव्हान

१३ मंसिर,काठमाडौं ।नेकपा (एमाले) पोलिटब्युरो सदस्य एवं  नेपाल ट्रेड युनियन महासंघ (जिफन्ट) का अध्यक्ष विनोद

आगामी पांच वर्षभित्रमा श्रमिकहरुको तलब २५ हजार पुर्‍याउने नेता बिष्णु रिमालको उदघोष

१२ मंसिर,काठमाडौं । नेकपा एमालेका उपमहासचिव एवं नेपाल ट्रेड युनियन महासंघ(जिफन्ट) का संरक्षक बिष्णु रिमालले

समानुपातिकतर्फ माओवादी केन्द्रलाई घण्टिले जित्यो,९० लाख मत गन्दा एमालेको अग्रता कायमै

११ मंसिर, काठमाडौँ । समानुपातिकतर्फ ९० लाख ९३ हजार ७६१ मत गणना हुँदा नेकपा(एमाले) को