२८ असार, काठमाडौं । नेपाल राष्ट्र बैंकले आउँदो असा ३१ गते शनिवार पनि बैंक तथा वित्तीय संस्था खोल्न निर्देशन दिएको छ ।
राष्ट्र बैंकले आज सूचना निकालेर शनिवार आर्थिक बर्ष २०७३/७४ को अन्तिम दिन भएकाले राजश्व दाखिलाका लागि पुरै दिन दिउँसो ४ बजेसम्म बैंक खोल्न निर्देशन दिएको हो ।
चालु आर्थिक बर्षको हिसाब मिलान गर्ने प्रयोजनार्थ कोष तथा लेखा नियन्त्रक कार्यालयको निर्देशन बमोजिम आइ.पि.एस.मार्फत भुक्तानी गर्ने तथा पुरै दिन दिउँसो ४ बजेसम्म राजश्व रकम बुझ्न केन्द्रीय बैंकले निर्देशन दिएको हो ।
साथै राजश्व दाखिला सम्बन्धी चेकहरुसमेत शनिबार पनि सेटलमेन्ट हुने गरी क्लियरिङ मार्फत राजश्व जम्मा गर्न पनि निर्देशन दिएको छ ।
