७ कात्तिक, काठमाडौं ।
राष्ट्रिय प्रजातन्त्र पार्टीले हिन्दू राष्ट्र र ‘राजासहितको प्रजातन्त्र’ नारा लिएर चुनावमा जाने भएको छ ।
हिन्दु राज्य संवैधानिक राजसंस्थालाई निरन्तरता दिनु पर्ने एजेण्डा सहित चुनावी घोषणा पत्र बनाउन लागेको प्रवक्ता भुवन पाठकले जानकारी दिए । पाठकका अनुसार घोषणापत्रमा राजसंस्थाको आदर्श उल्लेख गरी वैचारिक दृष्टिकोण बनाउन कार्यकर्ताबाट सुझाव आएको छ ।
त्यस्तै एकात्मक राज्य प्रणालीको विषयलाई दीर्घकालीन कार्यदिशा बनाएको छ । उत्पादन र वितरण प्रणालीलाई न्यायोचितरुपमा सबै जनताको पहुँचमा पु¥याउन आर्थिक उदारवादको लक्ष्य लिएको छ ।
पिछडिएका क्षेत्र र सीमान्तकृत वर्गलाई राज्यले विशेष संरक्षण गर्नुपर्ने, व्यक्तिगत स्वतन्त्रता तथा सम्पत्तिको हकलाई सम्मान गर्ने विषयलाई प्राथमिकता दिइनेछ ।
