११ असार, नवलपरासी । कारण वेपत्ता भएका नेपाल प्रहरीका जवान लिलबहादुर चेपाङको शव फेला परेको छ । नवलपरासीको देवचुलीनगरपालिका १७ को दुधौलीमा शव फेला परेको हो । नारायणीको पुलबाट नदीमा शव बगेको देखेपछि प्रहरीको टोलीले खोजी गरेको थियो ।
खोजिगर्दै जाँदा दुधौलीमा शव भेटिएको जिल्ला प्रहरी कार्यालय चितवनका एसपी दिपक थापाले जानकारी दिए । नारायणीको भंगालेमा अड्किएको अवस्थामा शव फेला परेको हो । शवलाई पोष्ट मार्टमका लागि भरतपुर ल्याईएको छ ।
गोरखा मकैसिंहका चेपाङ ईलाका प्रहरी कार्यालय मुग्लिनमा कार्यरत थिए । पहिरो हटाएर फर्कने क्रममा ना १ झ १३९० नम्बरको प्रहरीको गाडीलाई पहिरोले पल्टाएको थियो ।
गएको विहिवार राती ईच्छाकामना गाँउपालिका ६ कालिखोलानजिक खसेको पहिरोले प्रहरीको गाडी पल्टाउदा दुई जना वेपत्ताभएकाथिए । भने दुई जनाको मृत्यु भएको थियो । पहिरोमा परी अझै एक जना प्रहरी जवान तनहुँका सन्दीप कार्की वेपत्ता भएका छन ।
