प्रचण्ड र ‌ओलीबीच एकतापछि नयाँ पार्टीको नाम नेपाल कम्युनिष्ट पार्टी राख्ने

काठमाडौं, १८ असोज । नेकपा एमाले र माओवादी केन्द्रले पार्टी एकतापछि नयाँ कम्युनिष्ट पार्टीको नाम नेपाल कम्युनिष्ट पार्टी राख्न सहमत भएको नेताहरुले बताएका छन् ।Cpnuml-Maoist

वामपन्थी एकतामा सक्रिय रहेका गृहमन्त्री तथा माओवादी नेता जनार्दन शर्माले पार्टीको नाम नेपाल कम्युनिस्ट पार्टी र चुनाव चिन्ह सूर्य राख्ने सहमति केपी ओली र प्रचण्डबीच भइसकेको खुलासा गरेका हुन्। ‘नेपाल कम्युनिस्ट पार्टी निर्वाचन आयोगमा दर्ता गरेर सूर्य चिन्हमा चुनाव लड्ने सहमति भइसकेको हो । तर कानुनी अड्चनका कारण यो चुनाव अगाडि एउटै पार्टी र एउटै चिन्हमा चुनाव लड्न सकिएन,’ शर्माले भने ।

त्यस्तै एकता वार्तामा सहभागी एमाले उपमहासचिव विष्णु पौडेलले चुनाव चिन्ह र पार्टीको नाममा सहमति भइसकेको भएता पनि कानुनी जटिलताले गर्दा आगामी चुनावमा एउटै चिन्ह लिएर चुनाव लड्न नसकिएको बताएका छन् । बाबुराम भट्टराई लगायत राजपाका विद्रोही नेताले भने सूर्य चिन्हमा नै चुनाव लड्ने स्रोतले जनाएको छ ।

आजभन्दा ७० वर्ष पहिला पुष्पलालले स्थापना गरेको पार्टीको नाम पनि नेपाल कम्युनिस्ट पार्टी नै थियो ।

 

photo

NOC1-250x300