पीपीएल : पोखरा पल्टन २ विकेटले पराजित , धनगढी ब्लुजको दोस्रो चरणको सम्भावना बलियो

पोखरा पल्टनलार्इ रोमाञ्चक खेलमा पराजित गर्दै धनगढीले धनगढी ब्लुजले पोखरा प्रिमियर लिगको दोस्रो चरणमा प्रवेश गर्ने सम्भावना बलियो बनाएको छ। शुक्रबार सम्पन्न पहिलो खेलमा धनगढी ब्लुजले पोखरा पल्टनलार्इ २ विकेटले पराजित गरेको छ।

पोखराले दिएको १ सय ४६ रनको लक्ष्य धनगढीले अन्तिम बल बाँकी छदैँ ८ विकेट गुमाएर भेटायो। धनगढीका पिटर ट्रेग्रोले ५३ रनको अर्धशतकीय पारी खेले। ३४ बल खेलेका उनले ५ चौका र ४ छक्का प्रहार गरे।

यस्तै कप्तान दीपेन्द्रसिंह एेरीले नटअाउट ४९ रनको पारी खेले। २६ बल खेलेका दीपेन्द्रले ४ चौका र ४ छक्का प्रहार गरे। अन्तिम बल बाँकी रहँदा चौका प्रहार गर्दै दीपेन्द्रले धनगढीका लागि विजयी रन बटुलेका थिए।

त्यसअघि टस जितेर ब्याटिङ रोजेको पोखराले निर्धारित २० ओभरमा ८ विकेट गुमाएर १ सय ४५ रन जोडेको थियो।

कमलसिंह ऐरीले उत्कृष्ट बलिङ गरेपछि पोखरा सो स्कोरमा रोकिएको छ। पोखराका रोहितकुमार पौडेलले २१ बलमा ३१ रन जोडे। उनले ४ चौका र १ छक्का प्रहार गरे।

यस्तै पोखराका रविइन्दर सिंहले २८, आसिफ सेखले २३, शरद भेषावकरले १४ र मोहम्मद नाविदले ११ रन जोडे। यस्तै रासिद खानले नटअाउट १५ रनको पारी खेले।

धनगढीका कमलले ४ ओभरको स्पेलमा एक ओभर मेडन राख्दै २३ रन खर्चेर ४ विकेट लिए। यस्तै उसका पिटर ट्रेगो, डेविड लवारेन्स र रविन क्षेत्रीले समान १–१ विकेट लिए।

जितसँगै धनगढीले दोस्रो चरणमा पुग्ने सम्भावना बलियो बनाएको छ। समुह चरणका सबै खेल खेलिसक्दा धनगढीको ६ अंकका साथ शीर्षस्थानमा उक्लिएको छ। समान चार अंक रहेका पोखरा र चितवन दोस्रो तथा तेस्रो स्थानमा छन्।

खेलको नियमानुसार शीर्ष तीन टोली दोस्रो चरणमा प्रवेश गर्नेछन्। समुहको शीर्षमा रहने टोली सिधैँ फाइनल पुग्नेछ भने दोस्रो र तेस्रो हुने टोली इलिमेनेटर खेल्नेछ। इलिमेनेटरको विजेता फाइनलमा पुग्ने अर्को टोली बन्नेछ।

प्रतिक्रिया दिनुहोस्
सम्बन्धित वर्गका समाचारहरू

राष्ट्र बैंकद्वारा लचिलो मौद्रिक नीति सार्वजनिक, कर्जाको सीमा वृद्धि [पूर्ण पाठसहित]

काठमाडौँ, असार २७ — नेपाल राष्ट्र बैंकले आगामी आर्थिक वर्ष २०८२/८३ का लागि लचिलो र

सैनिक अदालतले संवेदनशील मुद्दामा पीडितको गोपनीयता उल्लंघन गर्नु न्यायोचित नहुने

काठमाडौं, असार २४ गते – नेपाली सेनाको सैनिक अदालतले चरम असंवेदनशीलता देखाउँदै संवेदनशील मुद्दाहरूमा समावेश

अन्तर्राष्ट्रिय वित्तीय प्रणालीको सुधारमा प्रधानमन्त्री ओलीको जोड

सेभिया (स्पेन), असार १६ – प्रधानमन्त्री केपी शर्मा ओलीले अन्तर्राष्ट्रिय वित्तीय प्रणाली सुधारको आवश्यकतामा विशेष

रास्वपाको पाँचबुँदे प्रस्तावमा छलफल नहुने – भट्टराई

काठमाडौं, जेठ २८ । सत्तारुढ एमालेका सचिव योगेश भट्टराईले राष्ट्रिय स्वतन्त्र पार्टी (रास्वपा)को पाँचबुँदे प्रस्तावमा

अदालत र प्रेसको लक्ष्मणरेखा

यम विरही ५ जेठ २०८२, सोमबार स्वतन्त्र न्यायपालिका र स्वतन्त्र प्रेस दुवै लोकतन्त्रका खम्बा हुन्

बुद्धोपदेशको वैश्विक महत्व

 २९ वैशाख २०८२, ज्ञानको खोजीमा निस्केका सिद्धार्थ साधनाले खारिएर भगवान् गौतम बुद्ध बने । लोभ