नयाँ शक्तिमा भित्रियो नयां झण्डा, चुनाब चिन्ह र दौंतरी

७ माघ, काठमाडौं । डा. बाबुराम भट्टराई नेतृत्वको नयाँ शक्ति नेपालले चुनाव चिन्ह आँखा प्रस्ताव गरेको छ । उसले झण्डा पनि परिवर्तन गरेको छ ।पार्टीको राजनीतिक समिति र काठमाडौं उपत्यकामा उपलब्ध केन्द्रीय सदस्यहरुको संयुक्त बैठकले पार्टीको चुनाब चिन्ह र पाँच तारा झण्डा प्रयोग गर्ने निर्णय गरेको हो

नयाँ शक्ति नेपालका प्रवक्ता खिमलाल देवकोटाले पिपुल नेपाल15941497_1443465202341589_193578186651829033_n सँग भने, ‘आँखा चुनाव चिन्ह र रातो व्याक ग्राउण्डमा सेतो पाँच तारा झण्डा टुंगो लगायौं । निर्वाचन आयोगमा दर्ताको प्रक्रिया पनि अघि   बढिसकेको छ ।’

यसअघि चुनाव चिन्ह टुंगो नलागे पनि एक तारा भएको झण्डा नयाँ शक्तिले प्रयोग गर्दै आएको थियो ।

नयाँ शक्तिले पाँच ‘स’ (समतामुलक सम्वृद्धि, समानुपातिक समावेशी सहभागीतामुलक लोकतन्त्र, सुशासन र सदाचार, स्वाधिनता सार्बभौमिकता, समुन्नत समाजवाद)प्रति प्रतिबद्ध रहेको बताउने गरेको छ । यीनै पाँच सलाई प्रतिनिधित्व हुने गरी नयाँ शक्तिले पाँच तारा झण्डा बनाउने निर्णय गरेको हो ।

भट्टराईको राजनीतिक सल्लाहकार भाइराजा

यसैगरी बैठकले संयोजक डा. बाबुराम भट्टराईको राजनीतिक सल्लाहकारमा डा. भाइराजा पाण्डेलाई चयन गरेको छ । लामो समयसम्म संयुक्त राष्ट्रसंघमा काम गरेका उनी भट्टराईका ‘क्लासमेट’ हुन् । अस्कल क्याम्पसमा डा. भट्टराई र पाण्डेले सँगै पढेका थिए । युएनको जागिरबाट अवकाश पाएपछि पाण्डे नयाँ शक्तिमा लागेका हुन् ।

यसैगरी नेपाली सेनाका पूर्वकर्णेल मदन केसी पनि नयाँ शक्तिमा लागेका छन् । पाइलट समेत रहेका केसीलाई कास्की जिल्लाको उत्प्रेरकको जिम्मेवारी दिइएको नयाँ शक्तिका प्रवक्ता देवकोटाले अनलाइनखबरलाई जानकारी दिए ।

नयाँ शक्तिले योग साधना बिभागको संयोजकमा डा. चेतनाथ अधिकारी, वैदेशिक रोजगार विभागको संयोजकमा दानबहादुर तामाङ र खेलकुद बिभागको सहसंयोजकमा देवी सुवेदीलाई चयन गरेको छ । खेलकुद विभागको संयोजक भने राजेन्द्र किराँती छन् ।

नयाँ शक्तिले मासिक लेबी पनि टुंगो लगाएको छ । केन्द्रीय कार्य समितिका सदस्यहरुलाई मासिक एक हजार र केन्द्रीय परिषद सदस्यहरुलाई मासिक पाँच सय लेबी तोकिएको प्रवक्ता देवकोटाले जानकारी दिए ।

प्रतिक्रिया दिनुहोस्
सम्बन्धित वर्गका समाचारहरू

प्रधानमन्त्री प्रचण्डद्धारा लैनचौरमा रहेको सहिद स्मारकमा पुष्पगुच्छा अर्पण

१६ माघ, काठमाडौं । प्रधानमन्त्री पुष्पकमल दाहाल प्रचण्डले सहिद दिवसको अवसरमा लैनचौरमा रहेको सहिद स्मारक

राष्ट्रपतिद्वारा सहिदप्रति श्रद्धाञ्जली अर्पण

१६ माघ, काठमाडौं । राष्ट्रपति विद्यादेवी भण्डारीले सहिद दिवस, २०७९ को अवसरमा नागरिक स्वतन्त्रता, लोकतन्त्रको

अमर शहीद धर्मभक्त बारे केही कुरा

  १६ माघ,काठमाडौं । वि.सं. १९९७ साल माघ ११ गते बिहान काठमाडौं शहरबाट पशुपतिको दर्शन

अभिनेत्री तथा मोडल एलिजा गौतम नागरिक उन्मुक्ति पार्टीमा प्रवेश

१४ माघ, काठमाडौं । अभिनेत्री तथा मोडल एलिजा गौतम नागरिक उन्मुक्ति पार्टीमा प्रवेश गरेकी छिन

एमाले अध्यक्ष ओली र प्रधानमन्त्री प्रचण्डको बालुवाटारमा भेटवार्ता

१३ माघ, काठमाडौं । प्रधानमन्त्री पुष्पकमल दाहाल ‘प्रचण्ड’ र नेकपा एमालेका अध्यक्ष एवं पुर्व प्रधानमन्त्री

देशभर विद्याकी देवी सरस्वतीको पूजा आराधना गरिँदै

१२ माघ, काठमाडौं । प्रत्येक वर्ष माघ शुक्ल पञ्चमीकै दिन मनाइने ‘श्रीपञ्चमी’ पर्व आज विद्याकी