देउवाले भने-टुक्काले देश बन्ने भए कलाकारलाई पार्टी अध्यक्ष बनाए भयो

Congress-1-768x460२७ चैत, धनगढी । नेपाली कांग्रेसको पहिलो चुनावी सभामा सभापति शेरबहादुर देउवा प्रमुख विपक्षी एमाले र अध्यक्ष केपी शर्मा ओलीमाथि खनिएका छन् ।

 

प्रदेश नम्बर ७ मा पर्जे कैलालीको अत्तरियामा आयोजित सभामा देउवासँगै वरिष्ठ नेता रामचन्द्र पौडेल र महामन्त्री शशांक कोइरालाले सम्बोधन गरे ।

एमालेप्रति आक्रमक रुपमा प्रस्तुत भएका देउवाले एमाले गैरजिम्मेवार रुपमा प्रस्तुत भएको आरोप लगाए । ‘एमाले जस्तो जिम्मेवार पार्टीले विभिन्न जातजाति र भाषाभाषीलाई फुटाउन खोजेको छ’ देउवाले भने, ‘मधेसलाई छाडेर देश बन्दैन ।’

एमाले अध्यक्ष केपी ओलीको नाम लिँदै उनले भने, ‘उखान टुक्काले देश बन्ने भइ कलाकारलाई नै पार्टी अध्यक्ष बनाए भयो । ओलीभन्दा राम्रा कलाकार धेरै छन् ।’एकता र मेलमिलाप मुलुकको वर्तमान आवश्यकता रहेको भन्दै उनले उखान टुक्का हालेर जनता भड्काउने काम नगर्न सचेत गराए ।

सुदूरपश्चिममा थारु र पहाडी समुदायबीच द्वन्द्व निम्त्याउने काम भएको भन्दै उनले मिलेर बस्नुको विकल्प नभएको बताए । जंगबहादुरले अंग्रेजसँग पैसाको साटो भूमि मागेको स्मारण गर्दै सभापति देउवाले भने, ‘यो सबैको हो ।’

मुलुकको विकास गर्ने र अन्तराष्ट्रिय समुदायले विश्वास गर्ने एकमात्र पार्टी कांग्रेस भएको भन्दै उनले कांग्रेसलाई वहुमत दिन अपील गरे ।

 

वरिष्ठ नेता रामचन्द्र पौडेलले एमाले प्रतिपक्षको भूमिका भन्दा द्वन्द्व निम्त्याउन लागेको आरोप लगाए । पार्टीभित्रको गुट उपगुट अन्त्य गरी पार्टीलाई एक ढिक्का वनाए मात्रै निर्वाचनमा वहुमत आउन सक्ने भन्दै उनले यसतर्फ सचेत रहन नेता कार्यकर्ताहलाई निर्देशन दिए ।

महामन्त्री शशांक कोइरालाले मतभेदहरुलाई थाति राख्दै निर्वाचनमा एक भएर लाग्न आग्रह गरे । साथै पार्टीको उम्मेदवारविरुद्ध जानेलाई कारबाही गर्ने चेतावनी दिए ।

कांग्रेस कैलालीका सभापति नरनारायण शाहको अध्यक्षतामा भएको आमसभालाई पूर्वमहामन्त्री कृष्णप्रसाद सिटौला, नेताहरु एनपी साउद, ईश्वरी न्यौपाने, वद्री पाण्डे, रमेश लेखक लगायतले सम्बोधन गरे । कार्यक्रममा सहभागी हुन सुदूरपश्चिमका नौ जिल्लाबाट कांग्रेसका नेता तथा कार्यकर्ता कैलालीको अत्तरियामा भेला भएका थिए ।

प्रतिक्रिया दिनुहोस्
सम्बन्धित वर्गका समाचारहरू

मंसिर ३ गते १८ बर्ष पुगे भोट हाल्न पाइन्छ

काठमाडौं, साउन २५गते, पीपुल नेपाल  । आगामी मंसिर ४ गते हुने प्रतिनिधिसभा र प्रदेश सभा

रास्ट्रपतिद्वारा नगरीकता बिधेयक फिर्ता हुने !

काठमाडौँ, २४ साउन । राष्ट्रपति विद्यादेवी भण्डारीले स्वार्थका लागि शासक वर्गले घुँडा टेकेका कारण  राष्ट्र

आजदेखि निर्वाचनका लागि दल दर्ता गर्ने

काठमाडौँ, २२ साउन । निर्वाचन आयोगले मंसिर ४ को निर्वाचनका लागि आजबाट दल दर्ता गर्ने भएको

ई-सिमको परीक्षण पूरा, वितरणको तयारी

 २०७९ साउन २१,काठमाडौं । सरकारी स्वामित्वको दूरसञ्चार कम्पनी नेपाल टेलिकमले इन्टरनेटमा आधारित सिमकार्ड (ई–सिम) को

पुराना मुद्दा फर्स्योटका लागि छुट्टै इजलास

काठमाडौँ, २० साउन । सर्वोच्च अदालतले पाँच वर्षभन्दा पुराना मुद्दा फर्स्योट कार्ययोजना कार्यान्वयनमा ल्याएको छ ।

श्रावण २० गते देखि सर्बोच्च अदालत शुक्रबार पुरै दिन सेवा दिन तयार

श्रावण २० गते शुक्रबार देखि  सर्वोच्च अदालतबाट पूरा समय सेवा प्रवाह हुने भएको छ।  गत