February 28, 2017

दुर्घटना न्यूनीकरण गर्न घर–घरमा ट्राफिक अभियान : यस्ता छन् अभियानहरु

फागुन १७,धादिङ – जिल्ला ट्राफिक प्रहरी कार्यालय गजुरी धादिङले राजमार्गमा हुने दुर्घटना न्यूनीकरण गर्न घर–घरमा ट्राफिक अभियान सञ्चालन गर्ने भएको छ । विभिन्न जिल्लालाई राजधानीसँग जोड्ने पृथ्वी राजमार्ग र त्रिभुवन राजपथमा हुने सवारी दुर्घटना न्यूनीकरण गर्ने अभियानका क्रममा घर–घरमा ट्राफिक कार्यक्रम ल्याउन लागिएको खबर आजको नयाँ पत्रिकामा छ ।
ट्राफिक प्रहरीले राजमार्ग र ग्रामीण सडकमा हुने सडक तथा सवारी दुर्घटना न्यूनीकरण गर्न विद्यार्थी तथा चालकलाई ट्राफिक नियम पालनासम्बन्धी अभिमुखीकरण पनि गरिरहेको छ । जिल्ला ट्राफिक कार्यालय गजुरीका प्रमुख प्रहरी निरीक्षक कृष्णराज सापकोटाले दुई महिनामा केही विद्यालयका विद्यार्थी र एक सय ५० जनाभन्दा चालकलाई अभिमुखीकरण गरिएको बताए ।
‘घर–घरमा ट्राफिक’ अभियानअन्तर्गत विद्यालयमै गएर ट्राफिक नियमबारे कक्षा सञ्चालन गर्ने तथा विद्यालय प्रांगणमा ट्राफिक संकेत तथा चिह्न र नियम उल्लेख गरिएका बोर्ड राख्न आग्रह गरिने उनले बताए । उनले साँघुरो तथा खाल्डाखुल्डी भएका सडक, घुम्ती, सवारी चाप धेरै हुने स्थान, बजार क्षेत्र तथा तथा जेब्राक्रस भएका स्थानमा विशेष ख्याल गर्न तथा सह–चालकलाई सवारी चलाउन नदिन आग्रह गर्दै निगरानी गरिरहेको बताए ।
धादिङमा मुख्य राजमार्ग ८६ किलोमिटर छ । मुख्य सडकबाट शाखा सडक तथा ग्रामीण सडक ४१ गाविस र एक नगरपालिकासँग जोडिएका छन् । राजधानीलाई जोड्ने मुख्य नाका भएका कारण बिदाको दिनमा सवारीको चाप अत्यधिक हुने उनले बताए । त्यस्तै, भिआइपीहरूको सवारी पनि भइरहने भएकाले ट्राफिक व्यवस्थापनमा जनशक्ति अभाव देखिएको पनि उनले बताए ।
कारबाही गरेर मात्र दुर्घटना न्यूनीकरण नहुने भन्दै सापकोटाले ट्राफिक नियम उल्लेख गरिएका पम्प्लेट चालक, सह–चालक, विद्यार्थी तथा सर्वसाधारणलाई वितरण गरिएको बताए । राजमार्गका विभिन्न स्थानमा ट्राफिक सचेतनामूलक बोर्ड राखिएका छन् । बढी सवारी दुर्घटना हुने स्थानमा थोत्रा मोटरसाइकल राखेर दुर्घटनाग्रस्त क्षेत्रबारे सचेत गराइएको पनि उनले बताए ।
चार करोड राजस्व संकलन: जिल्ला ट्राफिक प्रहरी कार्यालय गजुरीले आर्थिक वर्ष ०७२-७३ मा ३४ हजार नौ सय सवारीसाधनलाई कारबाही गरेको थियो । ती सवारीसाधनमाथि गरिएको कारबाहीबाट एक करोड ९५ लाख ५९ हजार रुपैयाँ राजस्व संकलन भएको थियो । चालू आर्थिक वर्षको माघ मसान्तसम्म ३३ हजार दुई सय सवारीसाधनलाई कारबाही गर्दा दुई करोड ५० लाख ७५ हजार पाँच सय रुपैयाँ राजस्व संकलन भएको ट्राफिक प्रहरी निरीक्षक कृष्णराज सापकोटाले बताए ।
यस्तो छ दुर्घटनाको तथ्यांक: धादिङमा आर्थिक वर्ष ०७२-७३ मा ९० सडक दुर्घटनामा भएका थिए । ती दुर्घटनामा ६५ वटा ट्रक तथा टेलर, ३३ बस, १२ जिप, कार तथा भ्यान, ३४ मोटरसाइकल र पाँच अन्य सवारीसाधन परेका थिए । दुर्घटनामा ५० पुरुष, नौ महिला र दुई बालबालिकाले ज्यान गुमाएका थिए । त्यस्तै, ७१ पुरुष, ३० महिला र १२ बालबालिका गम्भीर घाइते भएका थिए भने ५६ पुरुष, ३७ महिला र ६ बालबालिका सामान्य घाइते भएको जिल्ला ट्राफिक प्रहरी कार्यालयको तथ्यांक छ । आर्थिक वर्ष ०७३-७४ को १४ फागुनसम्म ६० सवारी दुर्घटनामा ६४ जनाले ज्यान गुमाएका छन् भने ५३ गम्भीर तथा ७१ सामान्य घाइते भएको ट्राफिक प्रहरीले जनाएको छ ।

प्रतिक्रिया दिनुहोस्
सम्बन्धित वर्गका समाचारहरू

नेपालमा पहिलो अक्सिजन प्लान्ट स्थापना गर्ने ब्यक्ति : डा.सागरकुमार राजभण्डारी

पिपुल नेपाल संवाददाता,२६साउन,भक्तपुर। ३७ वर्ष  सरकारी स्वास्थ क्षेत्रमा कार्य सम्पादन गरेर सेवाबाट अवकाशप्राप्त पश्चात् पुनः

चीनले केरुङ–काठमाडौँ रेलवे अध्ययनमा १५ अर्ब अनुदान दिने

काठमाडौँ, २६ साउन । चीनले केरूङ–काठमाडौँ रेलमार्गको सम्भाब्यता अध्ययन अनुदानमा गरिदिने भएको छ । चीन

मंसिर ३ गते १८ बर्ष पुगे भोट हाल्न पाइन्छ

काठमाडौं, साउन २५गते, पीपुल नेपाल  । आगामी मंसिर ४ गते हुने प्रतिनिधिसभा र प्रदेश सभा

ट्रेडयुनिय दर्ताको नाममा असुली धन्दा, मजदुरलाई सास्ती नेतालाई मस्ती !

काठमाडौं, श्रावण २५, पीपुल नेपाल।ईन्टरनेट सेवा प्रदायक कम्पनी ओल्डलिङ्क कम्युनिकेशन्स प्रा.लि मा श्रमीक र ब्यास्थापन

इन्टर्नेटप्रदायक ब्यबसायको गैरजिम्मेवारीपनका कारण दृश्य प्रदुषण, संबन्धित निकाय मौन, जनजीवन प्रभावित

पिपुल नेपाल संवाददाता,२४साउन,भक्तपुर। सूचना प्रबिधिको विकाससंगै पछिल्लो समयमा ईन्टरनेट प्रयोगकर्ताहरुको संख्या ह्वात्तै बढेको छ। प्रयोगकर्ताहरुको

वातावरण प्रदुषणको चुनौती  र समाधान 

पीपुल नेपाल । श्रावण २४, काठमाडौं  । हाम्रो वरिपरि हामीले देखेका माटो, हावा पानी, प्राणी, वनस्पति