२० चैत, पोखरा । चट्याङ लागेर शनिबार दुईको ज्यान गएको छ । देशका दुई फरक स्थानमा परेको चट्याङ लागेर दुईको ज्यान गएको हो ।
कास्कीको अन्नपूर्ण गाउँपालिका घान्द्रुकस्थित छुन्द्रुङमा शनिबार साँझ परेको चट्याङले १४ वर्षीय बहादुर गुरुङको घटनास्थलमै मृत्यु भएको जिल्ला प्रहरी कार्यालय कास्कीले जनाएको छ ।
उता, शनिबार नै चट्याङ लागेर सिन्धुपाल्चोकमा एक जनाको मृत्यु र अर्को एक जनाको ज्यान गएको छ ।
मृत्यु हुनेमा जुगल गाउँपालिका–७ निवासी ४६ वर्षीया सानुकान्छी तामाङ रहेको जानकारी जिल्ला प्रहरी कार्यालय सिन्धुपाल्चोकले दिएको छ ।
घटनामा मृतककी २० वर्षीया बुहारी सुकुरानी तामाङ घाइते भएकी छन् । उनको अहिले जलवीरे प्राथमिक स्वास्थ्य केन्द्रमा उपचार भइरहेको छ । रासस
