ग्ल्यामरस शुभेच्छाको एक्सन अवतार

suvechha-fa-58baa6f3396e21.41493832दमकः एकपटक कामुक फोटो सेसन गरेर विवादमा आएकी नायिका शुभेच्छा थापा यसपटक भने बेग्लै शैलीमा प्रस्तुत हुने भएकी छन् । नेपाली चलचित्रमा बोल्ड सिन दिन माहिर मानिएकी थापा चलचित्र ‘शिवम्’ मा एक्सन लेडीका रूपमा आउन लागेकी छन् । झापाको दमकमा चलचित्रको शुभमुहूर्त गरिएको छ ।

चलचित्रका निर्देशक राजु गिरीले धेरै चलचित्रमा थापालाई बोल्ड सिनमा उतारे पनि यस चलचित्रमा एक्सन रोलमा प्रस्तुत गर्न लागेको जानकारी दिए । चलचित्रको आधाभन्दा बढी छायांकन दमक, फिक्कलसहित पूर्वका विभिन्न ठाउँमा गरिनेछ ।

दमकमा बसोबास गर्दै आएकी कल्पना खरेलले निर्माण गर्न लागेको चलचित्रको लागत ६० लाख रुपैयाँ अनुमान गरिएको छ । चलचित्रमा शुभेच्छासहित सोम भेटवाल, रवि गिरी, पल्पसा डंगोल, राजु थापालगायत कलाकार छन् । निर्देशक गिरीले चलचित्रमा ग्ल्यामर नहुने बताइरहँदा नायिका थापाले लगाएको पहिरनप्रति सबैको ध्यान खिचिएको थियो ।

 

 

photo

NOC1-250x300