कार्यकारी आदेशको आलोचना गर्ने महान्यायाधिवक्तालाई बर्खास्त गरे ट्रम्पले

१८ माघ, काठमाडौं । अमेरिकी राष्ट्रपति डोनाल्ड ट्रम्पले आफ्नो कार्यकारी आदेशको आलोचना गर्ने कार्यबाहक महान्यायाधिवक्ता स्याली येट्सलाई बर्खास्त गरेका छन् ।

 

उनले न्यायिक विभागलाई आप्रवासीसम्वन्धी ट्रम्पको कार्यकारी आदेशको बचाउ नगर्ने बताएकी थिइन् । हृवाइट हाउसले येट्समाथि धोका दिएको आरोप लगाएको छ ।Sally-Yates-an-Obama-appointee-is-the-acting-attorney-general

उनको नियुक्ति पूर्ववर्ती बाराक ओबामाले गरेका थिए । र, उनले आप्रवासीसम्वन्धी राष्ट्रपतिको आदेश नियमसंगत भएको आफूलाई नलागेको बताएकी थिइन् ।

राष्ट्रपति ट्रम्पले सिरियासहित मुस्लिम बहुल सात देशका नागरिकलाई अमेरिका प्रवेशमा रोक लगाएका थिए ।

कार्यबाहक महान्यायाधिवक्ताको बयानपछि ट्रम्पले डेमोक्रेटिक पार्टीमाथि राजनीतिक कारणले आफ्नो मन्त्रिपरिषद् विस्तारमा अवरोध गरेको आरोप लगाएका छन् ।

येट्सको ठाउँमा ट्रम्पले जेफ सेशन्सलाई मनोनित गरेका छन् । र, उनले आफ्ना सहकर्मीहरुलाई पत्र पठाएका छन्, जुन मिडियामा आइसकेको छ ।

उक्त पत्रमा सेशन्सले कार्यकारी आदेश कानुन सम्वत भए नभएको प्रष्ट पार्न न्यायिक विभागलाई भनेका छन्

 

photo

NOC1-250x300