१८ भदौ, काठमाडों । नेपाली कांग्रेसका सभापति शेरबहादुर देउवा अाज स्वदेश फर्किदै छन् ।
स्वास्थ्य जाँचका लागि श्रीमती आरजु देउवा राणासहित सिंगापुर पुगेका सभापति देउवा शनिबार थाई एयरलाइनसको उडानबाट दिउँसो साढे १२ बजे स्वदेश फर्किने कांग्रेस मुख्य सचिव कृष्णप्रसाद पौडेलले जानकारी दिएका छन् ।
देउवाले सिंगापुरको माउण्ट एलिजावेथ हस्पिटलमा पेटको उपचार गराएका हुन् । पेट दुख्ने समस्याबाट ग्रसित देउवाले यसअघि सिंगापुरमा स्वास्थ्य जाँच गराएका थिए।
तीन वर्ष अघि सिंगापुरमा स्वास्थ्य जाँच गराएर फर्किएका देउवा कार्यव्यस्तताका कारण दुई वर्ष यता फलो अप चेकजाँचका लागि जान पाएका थिएनन्। देउवा गत भदौ १० गते अपरान्ह पत्नी आरजुसँगै सिंगापुर गएका हुन्।
