नेकपा (क्रान्तिकारी माओवादी)का उपाध्यक्ष सीपी गजुरेल थुनामुक्त भएका छन् । पूर्वमन्त्री र माओवादी जनयुद्धका एक प्रमुख नेता समेत रहेका गजुरेललाई नेपाल प्रहरीले एक रात हिरासतमा राखेर सोमबार बिहान रिहा गरेको हो ।
सीमा विवादसम्बन्धी उपप्रधान तथा रक्षामन्त्री ईश्वर पोखरेललाई ज्ञापनपत्र बुझाउन जाने क्रममा गजुरेलसहित १५ नेता–कार्यकर्तालाई प्रहरीले आइतबार दिउँसो पक्राउ गरेको थियो । प्रहरीले नेता गजुरेललाई आइतबार राति नै आफन्तको जिम्मा लगाउन चाहेको थियो । तर, उनले पक्राउ गरेको स्थानमै लगेर छाड्न भन्दै अडान लिए पनि प्रहरीले हिरासत पठाएको जनाएको छ ।
पक्राउ गरेर नेता गजुरेल लगायतका नेता कार्यकर्तालाई महानगरीय प्रहरी वृत्त सोहृखुट्टेमा राखिएको थियो । नेता गजुरेलले प्रहरीले बिहान १० बजे रिहा गरेको जानकारी दिए ।
