एजेन्सी, १७ फागुन । अमेरिका र तालिवानबीच आज एक महत्वपूर्ण शान्ति सम्झौता हुन गइरहेको छ । लामो समयपछिको वार्तापछि दुबै पक्षले शान्ति सम्झौतामा हस्ताक्षर गर्न गइरहेका छन् ।
कतारको राजधानी दोहामा २ वर्षदेखि जारी वार्तापछि अमेरिका र तालिवानबीच शान्ति सम्झौता हुन लागेको हो । दोहाको शेराटन होटेलमा शान्ति सम्झौतामा हस्ताक्षर हुने अन्तर्राष्ट्रिय समाचार माध्यमले जनाएका छन् ।
शान्ति सम्झौता हस्ताक्षर समारोहमा अमेरिका, अफगानिस्तान, भारत, पाकिस्तानसहित केही राष्ट्रका कुटनीतिज्ञहरू शेराटन होटेलमा पुगिसकेका छन् ।
समाचार अनुसार आज (शनिबार) दिउँसो ४ः४५ बजे शान्ति सम्झौतामा हस्ताक्षर हुनेछ । अमेरिकाले हिंसा न्यूनीकरणका लागि गरेको एक सहमतिपछि शान्ति सम्झौता हुन लागेको हो ।
सन् २००१ सेप्टेम्बर ११ मा अमेरिकामा भएको आतंकवादी हमलाको १९ वर्षछि तालिवान र अमेरिकाले शान्ति सम्झौतामा हस्ताक्षर गर्न सहमत भएका छन् । शान्ति सहमतिमपछि अफगानिस्तानमा जारी युद्ध अन्त्य हुने अपेक्षा गरिएको छ ।
तर पछिल्लो समय तालिवान लडाकुले अफगानिस्तानमा अमेरिकाको नेतृत्वमा तैनाथ गठबन्धन फौज र अफगान सुरक्षाबलमाथि तीव्र रुपमा हमला गर्दै आइरहेका छन् ।
गत हप्ता तालिवानको आक्रमणमा परी १९ जना सुरक्षाकर्मी र ४ जना सर्वसाधारणको ज्यान गएको थियो ।
बुटवल, असार २३ गते – हालै सार्वजनिक भएको माध्यमिक शिक्षा परीक्षा (एसईई) २०७९ को नतिजामा
असार १७, काठमाडौं ।परराष्ट्रमन्त्री डा. आरजु राणा देउवाले जलवायु परिवर्तनबाट प्रभावित मुलुकहरूका लागि जलवायु वित्त
असार १७, काठमाडौं ।नेपाल प्रहरीले सामाजिक सञ्जाल तथा अनलाइन माध्यममार्फत भइरहेका ठगी घटनाप्रति गम्भीर चिन्ता
सेभिया (स्पेन), असार १६ – प्रधानमन्त्री केपी शर्मा ओलीले अन्तर्राष्ट्रिय वित्तीय प्रणाली सुधारको आवश्यकतामा विशेष
जेठ ९,काठमाडौँ । शिक्षा, विज्ञान तथा प्रविधिमन्त्री रघुजी पन्तले सञ्चारमाध्यमहरूबाट व्यक्तिहरू ‘भिक्टिमाइज’ हुने प्रवृत्ति बढ्दै गएको
निशा चौधरी ५ जेठ २०८२, समाजमा विभिन्न किसिमका नियम, कानुन, मूल्य र मान्यता रहेका हुन्छन्
