काठमाडौं । नेकपा एमालेका अध्यक्ष केपी शर्मा ओलीले राष्ट्रपति विद्यादेवी भण्डारीले प्रधानमन्त्रीको दबाबमा अध्यादेश जारी गर्न नमिल्ने बताएका छन् । बुधबार काठमाडौंमा प्रदेशसभा र प्रतिनिधिसभा सदस्य निर्वाचनमा विजयी उमेदवारलाई बधाई दिँदै अध्यक्ष ओलीले प्रधानमन्त्रीको दबाबमा राष्ट्रपतिले अध्यादेश जारी गर्न नमिल्ने बताए । उनले भने, “प्रधानमन्त्रीको दबाबमा राष्ट्रपतिले अध्यादेश जारी गर्न मिल्दैन, यो असंवैधानिक छ । अध्यादेश दुरुपयोगका लागि, एउटा दल विशेषको स्वार्थमा दुनियामा कहीँ पनि यस्तो प्रयोग हुँदैन । सम्माननीय राष्ट्रपतिलाई अनावश्यक ढंगले विवादमा तान्ने प्रयास भएका छन् ।”उनले एमाले सरकारमा नहुँदा पनि यतिधेरै सिट जितेको बताए ।
कार्यक्रममा अध्यक्ष ओलीले एमालेले विगतमा देश र जनताको लागि धेरै ठुलो त्याग र बलिदान गरेको भन्दै अहिले पनि माओवादीसँग एकता प्रक्रिया गर्न लागेको जानकारी दिए ।ओलीले पार्टी एकताको प्रयास धेरै पहिलादेखि नै सुरु गरिएको जानकारी गराए ।“केही नेता तथा कार्यकर्तालाई अचम्म लागे पनि पार्टी एकता धेरै पहिलेदेखिकै पहल हो । हामीले बाहिर मिडियामा नभनेका मात्रै हौं । पहिला नै भनेको भए प्रतिपक्षीहरुले हाम्रो एकता हुन नदिन विभिन्न जालझेल गर्न सक्थे ।”
उनले अहिले माओवादीलाई कांग्रेसले माया गर्न खोजेको संकेत गर्दै भने, “केही मान्छेहरु गैँडाका जस्ता जिब्रा लिएर माया गरेको स्वाङ पारिरहेका छन् ।”उनले अब माओवादी कसैको जालझेलमा नफस्ने दाबीसमेत गरे । उनले एकता प्रक्रियामा जाँदा कुनै एउटा पार्टीमा अर्को विलय नहुने बताए । “एउटा अर्कोमा विलय हुने होइन,” उनले भने, “एउटाले अर्कोलाई निलेर पहिलेजस्तो कुनै पनि रहँदैन ।”
सञ्चारमन्त्रीको अभिव्यक्तिप्रति आपत्ति
कार्यक्रममा ओलीले मंगलबार सञ्चारमन्त्रीले गरेको पत्रकार सम्मेलनमा दिएको अभिव्यक्तिप्रति कडा आपत्ति जनाए । ओलीले भने, “सरकार छाड्ने बेलामा हिजो सरकारका प्रवक्ताले पत्रकार सम्मेलन गरेर राष्ट्रपतिले यस्तो गर्नुपर्यो, उस्तो गर्नुपर्यो भन्नुभयो । कुस्तीको अखडामा पस्दा कुस्तीबाजले तिघ्रा ठटाउँछ । सरकारका प्रवक्ताको प्रेस मिट पनि तिघ्रा ठटाएरै सुरु भयो । सबै मन्त्रीहरुलाई आफ्नो हैसियत, मर्यादा र ठेगान बुझेर कुरा गर्न आग्रह गर्दछु ।”
वैशाख ५,दमौली (तनहुँ)। नुवाकोटको विदुर नगरपालिका-११ वासुदेव अवस्थीलाई पहिलो पटक ऐनापहरा पुग्दा निकै आकर्षक लाग्यो
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा नेकपा (माओवादी
फागुन २६, काठमाडौं। सत्तारुढ प्रमुख घटक नेकपा (एमाले) का वरिष्ठ उपाध्यक्ष ईश्वर पोखरेलले नयाँ सत्ता
फागुन १८,काठमाडौं । नेकपा (एमाले) का अध्यक्ष एवं पूर्व प्रधानमन्त्री केपी शर्मा ओलीले नेपालमा अहिलेको राजनीतिक