काठमाडौं । कोरोना संक्रमितको संख्या १० हजार पुगेको छ। पछिल्लो २४ घण्टामा ५३८ जना कोरोनाका संक्रमित थपिएका छन्।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको ४ हजार ९ सय ९५ पिसिआर परीक्षणबाट ५३८ जना कोरोना संक्रमित भेटिएका हुन्। हालसम्म १ लाख ८६ हजार ३ सय ६६ जनाको पिसीआर परीक्षण गरिएको छ।
हालसम्म २ लाख ७१ हजार ५ ८४ जनामा आरडिटी परिक्षण गरिएको स्वास्थ्य तथा जनसंख्या मन्त्रालयले जनाएको छ। गत २४ घण्टामा आरडिटी परीक्षण गर्नेको संख्या ३ हजार ७ सय ८१ रहेको छ।
मन्त्रालयकाअनुसार १० हजार ९९ जना संक्रमित भएका छन् । उनीहरु मध्ये २४ जनाको मृत्यु भएको छ भने २ हजार २ सय २४ जना डिस्चार्ज भएका छन्
७ हजार ८ सय ५१ जनाको आइसोलेसनमा उपचार भइरहेको मन्त्रालयका प्रवक्ता जागेश्वर गौतमले जानकारी दिए। उनका अनुसार हालसम्म ८५ हजार ८ सय १३ जना क्वारेन्टाइमा रहेको छ।
