१८ फागुन, काठमाडौं । राष्ट्रपतिको निर्वाचनका लागि आठ राजनीतिक दलको प्रचारप्रसार अभियान बिहीबारबाट सुरु हुँदै छ। नेपाल कम्युनिस्ट पार्टी (माओवादी केन्द्र)का महासचिव देवप्रसाद गुरुङका अनुसार आठ दलीय गठबन्धनले प्रतिनिधि सभा र राष्ट्रिय सभा सदस्यहरूसँग अभिमुखीकरणसहित भेटघाटमार्फत राष्ट्रपति निर्वाचनको प्रचारप्रसार बिहीबारदेखि सुरु गर्ने भएको हो।
फागुन २५ गते हुने राष्ट्रपति निर्वाचनका लागि नेपाली कांग्रेसका वरिष्ठ नेता रामचन्द्र पौडेल र नेपाल कम्युनिस्ट पार्टी (एमाले)का उपाध्यक्ष सुवासचन्द्र नेम्वाङले मनोनयन दर्ता गरेका छन्। नेपाली कांग्रेस, नेपाल कम्युनिस्ट पार्टी (माओवादी केन्द्र), नेकपा (एकीकृत समाजवादी), जनता समाजवादी पार्टी नेपाल, जनमत पार्टी, नागरिक उन्मुक्ति पार्टी, लोकतान्त्रिक समाजवादी पार्टी र राष्ट्रिय जनमोर्चाले पौडेललाई समर्थन गरेका छन्।
त्यसैगरी शुक्रबार प्रदेश सभा सदस्यको भेला गर्ने आठ दलको तयारी छ। कांग्रेस उपसभापति पूर्णबहादुर खड्का नेतृत्वको कार्यदलले प्रचारप्रसारको संयोजन गर्नेछ। कांग्रेस मुख्यसचिव एवं राष्ट्रिय सभा सदस्य कृष्णप्रसाद पौडेलले कांग्रेसको संयोजन र व्यवस्थापनमा आठ राजनीतिक दलका प्रतिनिधि सभा र राष्ट्रिय सभा सदस्यका निम्ति राष्ट्रपति निर्वाचनकेन्द्रित अभिमुखीकरण राखिएको बताए। उनका अनुसार दिउँसो १ बजे रोयल ब्याङ्क्वेट तीनकुनेमा अभिमुखीकरण कार्यक्रम हुनेछ।
एकीकृत समाजवादीका महासचिव डा। वेदुराम भुसालका अनुसार फागुन २३ गतेसम्ममा प्रतिनिधि सभा, राष्ट्रिय सभा र प्रदेश सभा सदस्यलाई काठमाडौँमा उपस्थित हुन आठै राजनीतिक दलले निर्देशन दिएका छन्।
राष्ट्रपतिका उम्मेदवार पौडेलले सन्देशमार्फत प्रतिनिधि सभा, राष्ट्रिय सभा र प्रदेश सभा सदस्यहरूसँग मत मागेका छन्। उनले पुनः औपचारिक पत्र पठाएर मत माग्ने बताए। संसद्मा प्रतिनिधित्व गर्ने दलका शीर्ष नेताहरूसँग पनि संवाद गरिरहेको बताउँदै उनले भने, “मैले सबै माननीय सदस्यहरूसँग सम्पर्क गरिरहेको छु। सबैसँग मत मागेर सन्देश पठाएँ। अब पत्र पठाउँदै छु। संसद्का सबै राजनीतिक दलका नेतासँग छलफल गरेर मतदानमा सहयोग माग्दै छु।”
त्यसैगरी राष्ट्रपतिका अर्का उम्मेदवार नेम्वाङले संसद्मा प्रतिनिधित्व गर्ने दलका शीर्ष नेताहरूसँगको छलफल तीव्र पारेका छन्। बिहीबार दलको कार्यालयमै गएर मत माग्ने बताउँदै उनले भने, “सबै दलसँग छलफलमा छौँ। सबै मतदाता माननीयसमक्ष पुग्ने काम भइरहेको छ। बिहीबार कार्यालयमै गएर भेट्दै छौँ। देशव्यापी रूपमा फोन सम्पर्क गर्दै छौँ। भेला सम्मेलनको कार्यक्रम छैन, हामी भेटघाटमै केन्द्रित छौँ।” गोरखापत्र
पुस १५, काठमाडौँ । सहकारी संस्थाको बचत रकम हिनामिनामा दण्डात्मक कारबाहीलाई तीव्रता दिइरहेका बेला सरकारले सहकारीसम्बन्धी
पेरिस, पुस १२ गते । सानो र गरिब मायोटदेखि तेल–धनी महाशक्ति साउदी अरबसम्म र समृद्ध युरोपेली
यज्ञप्रसाद भट्टराई ३० मंसिर २०८१, आइतबार निजी क्षेत्रमा हुने भ्रष्टाचारजन्य क्रियाकलापको अनुसन्धान गरी मुद्दा चलाउने
मङ्सिर २६, काठमाडौं। प्रधानमन्त्री केपी शर्मा ओलीसमक्ष राष्ट्रिय सूचना आयोगका नवनियुक्त प्रमुख आयुक्त डा. सुरेशप्रसाद आचार्यले
कार्तिक २६, काठमाडौं । नेपालको सबैभन्दा ठुलो इन्टरनेट सेवा प्रदायक वर्ल्डलिंक कम्युनिकेशनले हालै एक महत्वपूर्ण सामाजिक
२२ कात्तिक, काठमाडौं । सांसदको एक समूहले राष्ट्रपति रामचन्द्र पौडेललाई भेटेर आगामी कोप २९ मा